- Францускиот претседател Емануел Макрон најави дека може да ја признае Палестина како независна држава веќе на конференцијата на Обединетите нации во јуни во Њујорк.
- „Ќе го направам тоа бидејќи верувам дека во некое време ќе биде правилно и зашто сакам да учествувам во колективна динамика. Признавањето ќе ѝ помогне на Франција да се бори против оние, како Иран, што го оспоруваат правото на Израел да постои како држава. Тоа ќе придонесе за колективна безбедност во регионот,“ изјави Макрон.
- Шефот на израелската дипломатија Гидеон Сар ја осуди изјавата на Макрон како „награда за тероризмот“ и „поттик за Хамас“.
- Франција долго време се залага за иницијативата „две држави“ како единствено решение за израелско-палестинскиот конфликт.
- На Воено Медицинската Академија во Белград починал 24 годишниот Стојанче Стефанов.
- По првична тријажа од медицинските тимови тој веднаш бил упатен на лекување во Белград каде бил интубиран и сето ова време бил во критична состојба. Имал 27 отсто зафатеност со изгореници и сериозни повреди од вдишување на чад.
- Во ВМА е опериран на 4 април и поставен на ЕКМО апарат, преку кој се оксигенира крвта, но заради сериозноста на повредите, поголем дел од хоспитализацијата бил нестабилен и во тешка општа состојба.
- Обвинителството поднесе жалба на двегодишната пресуда за Менсур Пајазити за сообраќајката во која животот го загуби Теодора Ристовска во Тетово.
- Го имале предвид мислењето на Судскиот совет според кое првостепената пресуда не може да биде повисока од онаа на Апелација која првиот пат досуди две години, но тоа е за ситуација кога само обвинетиот поднесува жалба.
- Сега тие поднесуваат жалба по барање на семејството на жртвата кое нема право на жалба.
- Од вишата обвинителка од Гостивар, Вјолца Елмази, која се предомислила па барањето да се одбие жалбата на Пајазити го сменила со согласност да му се изрече поблага кривична санкција, никој не побара да го објасни ваквиот потег.
- Таа како олеснителна околност за Пајазити навела дека „ПРИЗНАЛ ВИНА“, небаре се работи за комплициран сајбер криминал па е потребно да признаеш дека си убил човек со кола.
