Вести › Набрзинка

Mакедонштино, коцката е фрлена!

2 јануари 2023

Невистина. Небрежност. Неспокој. Накусо резимиран односот кон македонштината либералниве децении. Војна на секој против секого. Или поконкретно, војна на своите против своето.
Ве предизвикувам да најдете Хрват за кого Далмација е италијанска. Најдете ми Србин за кого Косово е република. Албанец за кого „Косово е Србија“. Најдете Грк кој е согласен оти Егеј е неправда. Најдете Бугарин за кого Пирин е македонски. Но затоа, во нашето Скопје, центар на квазилибералниот Балкан, врзопот сами си го ткаеме, ровот сами си го копаме.
Да се ослободиме од канџите на невистината, небрежноста и неспокојот. Да се почитуваме себеси, за и другите да не почитуваат! Да си ги воочиме мааните, но и да ги искористиме доблестите! Криво да седиме, а право да судиме! И гордо да опстоиме на тезата: ние овчари сме, но просјаци не!”

- Данило Крстовски во победничкиот говор на ораторската ,,Иво Пухан”

извор

Судот го одобри обвинението за кражбите во ЕСМ

7 мај 2025

31 физичко лице и 5 фирми ќе одговараат за криминали во ЕСМ. Се товарат за незаконска набавка на адитиви вредна над 6,5 милиони евра од мала фирма сопственост на братучетка на еден од поранешните директори на ЕСМ.
Меѓу обвинетите е и екс директорот на ЕСМ Васко Ковачевски кој е во бегство, а се бара и со меѓународна потерница како и поранешниот директор на ЕСМ Васко Стефанов кој во текот на истрагата беше приведен на граничниот премин Табановце.
Неодамна обвинителството ја прошири истрагата на уште три физички лица меѓу кои е и претседателката на Антикорупциската комисија, Татјана Димитровска која се сомничи дека му издавала службени тајни на поранешен директор на ТЕЦ Неготино кој исто така е обвинет во овој случај.
Несовесно работење, злосторничко здружување, злоупотреби при работењето и на постапка за јавен повик, перење пари се дел од кривичните дела за кои ќе се гонат во следниот период, а ќе се бара и конфискација на имот.

извор

Милановиќ: Македонија да не биде жртва на притисоци и да трпи изнуди за ЕУ

7 мај 2025

Македонија да не биде жртва на притисоци и да трпи изнуди кога е во пршање членството во Европската Унија, порача хрватскиот претседател Зоран Милановиќ кој беше во посета на земјата.
Тој рече дека има премногу насоки од соседите и меѓународните актери за тоа како Македонија да се движи на европскиот пат, но најголемиот дел треба да се земаат со резерва.
„Правилата се јасни. Треба консензус, односно треба едногласност. Како и да свртите ќе дојде на исто. Се додека е некој против, Македонија за жал не може да напредува на тој пат. Единствено прашање е дали е тоа навистина за вас, односно за вашите граѓани најважната работа на овој свет и единствено вредно за живот и напор или постојат други работи за државата кои ја дефинираат како успешна и реализирана заедница“, изјави Милановиќ.
Хрвaтскиот претседател рече и дека Македонија не треба да се третира како земја со посебни потреби, туку како земја која има проблем.

извор