Вести › Набрзинка

Mакедонштино, коцката е фрлена!

2 јануари 2023

Невистина. Небрежност. Неспокој. Накусо резимиран односот кон македонштината либералниве децении. Војна на секој против секого. Или поконкретно, војна на своите против своето.
Ве предизвикувам да најдете Хрват за кого Далмација е италијанска. Најдете ми Србин за кого Косово е република. Албанец за кого „Косово е Србија“. Најдете Грк кој е согласен оти Егеј е неправда. Најдете Бугарин за кого Пирин е македонски. Но затоа, во нашето Скопје, центар на квазилибералниот Балкан, врзопот сами си го ткаеме, ровот сами си го копаме.
Да се ослободиме од канџите на невистината, небрежноста и неспокојот. Да се почитуваме себеси, за и другите да не почитуваат! Да си ги воочиме мааните, но и да ги искористиме доблестите! Криво да седиме, а право да судиме! И гордо да опстоиме на тезата: ние овчари сме, но просјаци не!”

- Данило Крстовски во победничкиот говор на ораторската ,,Иво Пухан”

извор

Венеција сака да воведе туристичка такса од 50 евра

19 јуни 2026

Новиот градоначалник на Венеција побара значително зголемување на влезниците за туристи за да го ограничи масовниот туризам.
Венеција сега наплаќа билети по 10 евра за престој од 60 дена, кои туристите мора да ги платат дури и ако останат само неколку часа на плоштадот Свети Марко. Ако ги резервираат билетите три дена порано преку интернет, може да ги платат за 5 евра.
Градоначалникот Симоне Вентурини вели дека евтините билети не придонеле за намалувањето на туристичкиот метеж и бара цената да се зголеми на 30 до 50 евра во одредени денови.
Иако таксата е воведена со општински подзаконски акт, горната граница е утврдена со национален закон, па Вентурини мора да се консултира со владата во Рим.
Експертот за уставно право Лудовико Мацароли предупреди дека поскапувањето на влезницата може да се толкува како ограничување на слободата на движење.

извор

Ванковска: Како станав непожелна на конференција на која бев поканета

19 јуни 2026

Пред неколку дена ветив дека ќе ви кажам како за првпат во живот бев речиси исфрлена од конференција (повторно во Белград) затоа што ЕУ ја елаборирав низ призма на марксистичката теорија и постколонијалниот дискурс.
Темата на конференцијата беше за „свежиот моментум“ на проширувањето, но никој вистински не го постави прашањето каква е денес ЕУ? Зошто некој денес би сакал да стане нејзина членка? Ако е за вредности – таа одамна се откажа од нив, а сега е соучесник и во геноцид. Ако е за пари (поубав живот, како што го лажат обичниот човек) – пари нема освен за воено-индустрискиот комплекс и за надоаѓачката војна со Русија (ако се следи умот на Каја Калас).
Реков дека немам никаков проблем да се декларирам како марксист. Низ таа призма и зборувам. И тогаш дојде до ерупција кај мојот домаќин. Почна да подвикнува дека не верувал дека ќе бидам толку провокативна, дека тој не е марксист (иако јас не ни помислив ниту реков таква работа), односно дека марксизмот е политика, а не научен поглед на светот.
Се обидов да одговорам, но тој ја затвори сесијата.
Планот беше секако да заминам за Скопје истиот ден попладнето, но веќе во ходникот ми беше ставено до знаење дека од мене не се очекува да останам подолго на конференцијата.
И покрај повеќедецениското искуство, ова по малку ме изненади. Ќе рече некој, па нели е тоа Србија која „седи на повеќе столчиња“, отворена е кон повеќе страни на светот и сл. Не, не! Академската и интелектуалната елита се веќе дресирани и знаат која е црвената линија. Тие го чекаат својот Петар Маѓар (секоја чест на исклучоците, се разбира).

извор