Вести › Набрзинка

Македонците од Европа бараат враќање на името

11 мај 2025

Координативното тело на Македонците за Европа покренува „Петицијата за враќање на уставното име Македонија и за раскинување на Преспанскиот договор“.
„Преспанскиот договор од 2018 година е коренот на обезличување на Македонците. Овој договор означува губење на нашето име, идентитет, историја и нација. Со него се прекршува меѓународното јавно право, а особено универзално признаените човекови права“. Додавката „Северна“ е идентификациски модификатор и недозволено го менува суверениот национален идентитет. Исто така, таа ја погазува волјата на македонскиот народ, изразена преку референдумот од 2018 година“.
„И ние Македонците имаме право на идентитет и љубов кон нашето име и нашата нација. И ние Македонците имаме право на живот. Раскинувањето на Преспанскиот договор е борба не само за нашето име туку и за нашето идентитетско и културно опстојување. Поддржете ја нашата борба против Преспанскиот договор ако верувате во правдата и правото на секој човек да живее со своја историја, култура и национален идентитет“, наведува иницијаторот.
Петицијата ја поведува Координативното тело на Македонците во Европа и светот, а тоа се: Координативно тело на Македонците во Европа и светот, Женева; Светски македонски конгрес од Обединето Кралство; Светски македонски конгрес од Канада; Совет на македонските општини од Австралија; Македонска радио програма ЗЗЗ од Мелбурн; Обединети Македонци од Канада; Македонска заедница Обединето Кралство; здружение „Цар Самоил“ од Белгија; Македонско-финско здружение од Финска; MКД „Пијанец“, Швајцарија; МД „Македонија Ешалан“, Швајцарија; „МК Пирок“, Швајцарија; Асоцијација Француско-македонска средба – Рефрама, Швајцарија.

извор

Во Америка се тркала дрога 100 пати посилна од фентанилот

11 мај 2025

Санта Клара во Калифорнија се придружи на другите окрузи во кои е регистрирана смрт од предозирање со карфентанил.
Обдукцијата покажала дека од тоа починал 38 годишен маж покрај кој биле најдени таблети кои личат на популарниот лек за болка оксикодин.
Повеќето опоиди кои се наоѓаат на улица се во облик кој личи на стандардни лекови на рецепт, само што се „појачани“ со карфентанил, синтетичка дрога која е 1.000 пати посилна од морфиумот и 100 пати појака од озлогласениот фентанил.
Наркан односно налоксон е лекот кој спасува живот во случај на предозираност но најчесто не е во близина или доаѓа предоцна.

извор

Путин нуди директни преговори, Зеленски прифаќа - под еден услов

11 мај 2025

Рускиот претседател ја покани Украина на „директни преговори“, неколку часа откако колективниот Запад му се закани со жестоко засилување на санкциите ако одбие 30-дневно примирје.
Во ретко обраќање до јавноста во доцни часови, Путин порача дека Русија сака „сериозни преговори“ кои би ја придвижиле ситуацијата кон „силен и траен мир“.
Како одговор на руската спектакуларна парада по повод 80 годишнината на победата над фашизмот, првите луѓе на Британија, Германија, Франција и Полска го посетија Киев во знак на поддршка за Украина.
Путин предлага Русија и Украина да се сретнат на преговори на 15-ти мај во Истанбул.
"Позитивен знак е дека Русите конечно почнаа да размислуваат за завршување на војната. Но, првиот чекор кон тоа би бил прекин на огнот - целосен и траен - од утре, 12-ти мај. Во тој случај, Украина е спремна да се сретнеме“, порача Зеленски.

извор