- Кратко откако СПЦ понуди „најширока можна автономија“, во Соборниот храм во Скопје беше пречекана одлуката на Светиот синод на Српската православна црква да ја одобри, благослови и да ја признае автокефалноста на МПЦ-ОА.
- „А сега браќа и сестри, доаѓајќи носиме уште една вест. Светиот сабор на СПЦ едногласно излезе во пресерт на молбата на МПЦ-ОА, соборот на нашата црква ја одоброува, ја благословува и ја признава автокефалноста на ова црква“, рече Порфириј.
- Истовремено, стигна веста дека писмото за автокефалност е примено во Цариград и дека на 10 јуни, Духовден, кога е 50-тиот роденден на македонската црква, МПЦ-ОА ќе сослужува на заедничка литургија со Вселенската патријаршија во Фанар.
- Јако тролање дојде од рускиот државник Дмитриј Медведев на кавгата на која цел свет фаќа сеир: онаа меѓу довчерашните „браќа и соборци“, Доналд Трамп и Илон Маск.
- „Подготвени сме да го олесниме склучувањето на мировен договор меѓу Д. и И. за разумна цена и да прифатиме акции на Старлинк како метод на плаќање“, порача тој.
- „Не се карајте дечки“, ги советуваше Трамп и Маск заменик претседателор на Советот за безбедност на Руската Федерација.
- Друг руски политичар (Дмитриј Новиков, заменик претседател на комитетот за надворешна политика на руската Дума) великодушно му понуди на Маск политички азил, ако му треба.
- Русија го бомбардираше Киев со 407 дронови и 45 проектили, како одговор на украинската операција „Пајажина“ во која беа уништени или оштетени неколку десетици руски бомбардери во четири бази далеку од фронтот.
- Во Киев загинале тројца пожарникари што извлекувале луѓе од станбени згради додека нападот сè уште траел. Ранети биле 20 луѓе во Киев и уште 29 во други градови.
- За лансирање на проектилите Русија користела два бомбардери ТУ-95 и два ТУ-160, значително помалку во споредба со претходните напади.
- Претседателот Владимир Путин во телефонски разговор го известил американскиот Доналд Трамп дека Москва ќе одговори на украинската операција против руските бомбардери, која е оценета како „терористички напад“.
- „Тие влегоа длабоко во Русија и Путин ми кажа дека немаат избор освен да возвратат... Можеби би било добро Украина и Русија уште малку да се борат отколку итно да преговараат за мир“, изјави Трамп.
