Вести › Набрзинка

Левица ја блокира приватизацијата на Брзата помош

15 декември 2021

Пратениците на Левица, Димитар Апасиев и Борислав Крмов поднесоа над 1.200 амандамни до Комисијата за здравство да го спречат министерот за здравство, Венко Филипче, на заминување да отвори можност за приватизација на брзата помош и трансплантацијата на човечки органи.
Венко Филипче, преку навидум бенигни измени на Законот за здравствена заштита, предложени по скратена постапка, денес – во Собранието на РМ – ќе се обиде да го протурка енормно штетниот план, најави претходно Левица.
„Првата рунда - добиена! Комисијата за здравство ја одложи расправата за штетниот Закон за здравствена заштита. Ваков круцијален закон не смее да помине без ЈАВНА РАСПРАВА од стручната лекарска фела“, пиша на ФБ Димитар Апасиев.

извор

Трамп би укинал гласање по пошта

19 август 2025

Доналд Трамп вели дека со извршна наредба ќе го укине гласањето по пошта на изборите за конгресмени и сенатори идната година. Му пречи и гласањето со машини.
Ќе водам иницијатива за да се ослободиме од гласови испратени по пошта. Кога сме тука, и од непрецизните, скапи и контроверзни гласачки машини, објави Трамп на својата социјална мрежа.
Идејата наводно ја добил на самитот со рускиот претседател во петокот. „Владимир Путин, умен човек, кажа дека не може да има чесни избори со гласање по пошта. И тој рече дека ниту една земја во светот денес не ги користи“, забележа Трамп. Всушност по пошта може да се гласа во десетици земји.
Федерални судии во март ја блокираа наредбата од Трамп за поднесување доказ за американско државјанство, како услов за гласање, и да не се бројат валидни гласови испратени по пошта што ќе стасаат по изборниот ден.

извор

Хамас прифаќа примирје и ослободување заложници

19 август 2025

Хамас го прифатил предлогот за 60-дневен прекин на огнот и ослободување на една половина од заложниците што се уште ги држи во Газа, објавија египетски посредници.
Основа за египетско-катарскиот предлог била платформата што ја претставил американскиот специјален претставник Стив Виткоф, која Израел веќе го прифати.
Хамас во две групи би предал една половина од заложниците, во размена за палестински затвореници. Во овој период би почнале индиректни преговори за траен прекин на огнот.
Израелскиот премиер Бенјамин Нетанјаху минатата недела објави дека би прифатил прекин на огнот само ако Хамас ги ослободи сите преостанати заложници.
Израел во меѓувреме почна подготовка за окупацијата на градот Газа. Операцијата би требало да почне по неколку недели, но тенкови и блиндирани булдожери напредувале во квартот Сабра.

извор