Вести › Набрзинка

Кустурица веќе не е сопственик на Андриќград

19 декември 2025

Режисерот Емир Кустурица повеќе не е мнозински сопственик на комплексот Андриќград во Вишеград, откако Владата на Република Српска изврши докапитализација на проектот и презеде целосна контрола врз него.
Владата на РС инвестирала дополнителни 5,5 милиони конвертибилни марки во Андриќград, со што нејзиниот удел во сопственоста се зголеми на 99,93 проценти. Уделот на Емир Кустурица сега изнесува само 0,04 проценти.
Комплексот Андриќград е основан во 2011 година како културно-туристички проект посветен на нобеловецот Иво Андриќ. Се наоѓа на самото устие на реките Дрина и Рзав во Вишеград, а идеен творец е режисерот Емир Кустурица.

извор

Вклучувањето на македонските банки во европските платежни шеми - чекор напред кон ЕУ

19 декември 2025

извор

Трамп ја запре лотаријата за зелена карта

19 декември 2025

Претседателот Доналд Трамп ја суспендира програмата што на странци им овозможува право на престој и работа во САД, откако се потврди дека „зелена карта“ преку оваа лотарија добил и мажот осомничен за убиствата на Универзитетот Браун и МИТ.
48-годишниот Португалец Клаудио Невеш Валенте е осомничен дека убил двајца студенти на Браун и ранил деветмина, а потоа убил и професор на МИТ во неговиот дом. По неколкудневна масовна потера, Валенте бил пронајден мртов со прострелна рана од самоубиство.
Валенте во 2000 година пристигнал во САД со студентска виза, а во 2017 година добил легален статус за постојан престој.
„На овој гнасен лик никогаш не требало да му се дозволи влез во нашата земја“, изјави министерката за национална безбедност Кристи Ноем.
Програмата за зелена карта нуди 55.000 визи годишно за луѓе од земји со ниски стапки на имиграција во САД. Во 2025 година аплицирале речиси 20 милиони луѓе, а со лотарија биле одобрени визи за вкупно 131.000 кандидати и членови на нивните семејства.

извор