- Милитантната група Курдската работничка партија (ПКК), која повеќе од четири децении водеше крвава војна со турските власти, објави дека се распушта и дека ќе го предаде оружјето.
- „Ја остваривме својата историска мисија. На Конгресот решивме да ја распуштиме организациската структура на ПКК и да го завршиме оружениот отпор. Нашата борба го доведе прашањето на Курдите до ниво на решавање преку демократски политички процес“, објави групата.
- На распуштање на ПКК пред неколку месеци повика нејзиниот лидер Абдула Оџалан, кој отслужува доживотна робија во затвор.
- Оџалан во 1978 година ја формираше Курдската работничка партија со манифест во кои барањето за автономија на Курдите беше комбинирано со социјалистички економски принципи. Во 1984 ПКК крена оружје против властите и набрзо прерасна во герилска сила со 10.000 борци. Во војната во изминатите 40 години загинаа повеќе од 40.000 луѓе.
- Анкара ја прогласи ПКК за терористичка група. Претседателот Реџеп Таип Ердоган го постави како главен услов расформирањето на ПКК за да почне дијалог за барањата на Курдите за поголема автономија.
- Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
- Јазот е најдлабок во Русија, а најмалку е изразен во Словачка.
- Македонија според оваа класификација е меѓу земјите со порамномерна распределба на богатството.
- Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
- Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
- Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
- Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
- Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
- На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
