Вести › Набрзинка

Коцарев: Резолуција за македонскиот културен геноцид

15 мај 2024

Ќе се осврнам на културниот геноцид врз Македонците што македонските политичари го направија со потпишувањето на билатералните договори со Бугарија и со Грција и со прифаќањето на Преговарачката рамка – документ на ЕУ за започнување на пристапните преговори со ЕУ.
Што треба да направиме? Дали процесот е реверзибилен? Да! Прво што треба да се направи е да се иницира донесување резолуција за македонскиот културен геноцид! Ги повикувам интелектуалците и обичните жители на Македонија да започнат со иницијативата. Текстот на резолуцијата треба да биде едноставен, читлив и разбирлив за секого и да го изразува македонскиот непокор.
Режимот што замина нема да ја поддржи резолуцијата. Иако оваа резолуција, доколку биде усвоена, нема да биде обврзувачка, таа, сепак, е чекор кон принудување на режимот што замина барем морално да ја прифати одговорноста за своите (зло)дела, но многу позначајно, таа е чекор што ќе им покаже на помоќните: на ЕУ, на соседите, меѓутоа и на сограѓаните, дека Македонците не можат да одат подолу од ова.

извор

Тарифите на Трамп требаше да го намалат трговскиот дефицит. Го зголемија.

31 јули 2026

Робустните увозни царини на Доналд Трамп не успеаја да го намалат американскиот трговски дефицит кој во последните 18 месеци се зголеми на 1,80 билиони долари, во споредба со 1,74 билиони долари во претходниот период.
„Дефицитот не се намали. Тој се зголеми за 4%,“ го резимираше неуспехот на ваквата политика главниот пазарен стратег за креативно планирање, Чарли Билело.
Макроекономските статистики од Бирото за економски анализи и Бирото за попис на САД го потврдуваат овој постојан структурен дефицит. На ниво на целата година, трговскиот дефицит на стоки во САД се зголемил за 3,86%.
Кумулативните бројки знаат да покажат и позитивни резултати но месечните резултати покажуваат сериозна нестабилност.

извор

Голем дистрибутер на алкохол банкротираше зашто младите не пијат

31 јули 2026

Еден од најстарите американски дистрибутери на вино и алкохол (Republic National Distributing Company) прогласи банкрот после 125 години во бизнисот.
Главна причина се променетите навики за пиење кај помладите генерации.
Компанијата има капитал од една милијарда долари но обврските им станале десет милијарди. Имаат околу 5.000 вработени и околу 100.000 доверители.
Овој дистрибутер, втор најголем во САД, ја има преживеано прохибицијата, повеќе економски рецесии и секакви промени во алкохолната индустрија но не преживеа со публика која попрво би бескрајно да скрола отколку да седнат заедно на пијачка.

извор