- Од биографиите на предложените кандидати за вториот владин ешалон во министерствата само неколкумина според образованието се соодветни за ресорите за коишто се предложени.
- Економистки во ресорите одбрана и европски прашања, бодибилдер во МВР, филозоф ќе ги регулира односи меѓу заедниците, економисти ќе градат здравствени и социјални политики, хемичарка ќе решава еколошки проблеми, информатичари ќе бидат „специјалисти“ за дигитална трансформација, за енергетика и за спорт, а политиколог ќе им ги решава маките на земјоделците.
- Од предложените 20 заменик-министри, дел се познати за јавноста, како што е експратеничката Ане Лашкоска, ексградоначалникот на Прилеп Марјан Ристески, потоа Зоран Димитровски – поранешен новинар и заменик-министер за локална самоуправа во Владата на Димитар Ковачевски и Неждет Мустафа, поранешен пратеник и министер.
- Иранската државна телевизија пренесе дека и Израел ја нападнал локацијата за збогатување ураниум, Фордоу, само два дена откако тоа го сторија американските бомбардери што беше оценето како импресивен воен успех.
- Истовремено, израелското МНР соопшти дека нивните оружени сили, „со интензитет без преседан,“ маваат по срцето на Техеран.
- Меѓу другото, бил уништен влезот на затворот Евин за кој Тел Авив смета дека држи политички затвореници и противници на Исламската република.
- Недоволно пожарникари, никаов систем за тренинг и евалуација на новите и старите пожарникари, непостоење на тренинг центар, нестандардизирана опрема и возила, најчесто прибавена од донации, Агенцијата за шумарство воопшто нема пожарникари... се дел од проблемите со кои се соочува Македонија при заштитата од пожари.
- Имаме околу 400 пожарникари, иако согласно закон, бројката треба да биде околу 800.
- Возилата што се употребуваат се стари и по 40, 50 години, а сите се различни, затоа што поновите најчесто доаѓаат од донации од странски амбасади и донатори, несоодветни или нестандардизирани за наши услови.
- „Имаме возила со возачот на десната место на левата страна“, рече Душица Перишиќ, извршна директорка на ЗЕЛС.
