Вести › Набрзинка

Како во Тетово се прават ДУП-ови

9 април 2025

Скопските општини често се соочуваат со обвинувања дека кројат урбанистички планови што ги исполнуваат интересите на градежните инвеститори наместо потребите за хумано живеење со повеќе јавен простор и зеленило. Во Тетово, пак, се оди чекор подалеку.
Градежните инвеститори самите си ги менуваат ДУП-овите како што им одговара, и тоа додека градат, а кооперативните општински власти ги поддржуваат и им наплаќаат комуналии.
БИРН откри седум случаи каде што инвеститори добиле градежни дозволи за пониски згради, уште веднаш поставиле темели за повисоки и во меѓувреме со општината почнале процедури да го менуваат деталниот план, односно да го прилагодуваат на својот бизнис-план.
Апсурдноста на политиката на интензивно градење и произволно надградување ја покажува и бројката на ненаселени станбени единици во Тетово. Дури во 9.747 станови, според последниот попис, никој не живее. На републичко ниво, бројкава надминува фрапантни 307 илјади празни станови.

извор

Почина актерот Лазе Манасков

20 декември 2025

На 67-годишна возраст почина театарскиот, филмски и телевизиски актер Лазе Манасков, соопшти неговиот матичен Драмски театар од Скопје.
Манасков е во Драмски е од 1983 година, откако заврши на ФДУ во Скопје. Вечерашната изведба на претставата „Куршуми над Бродвеј“ ќе се одигра во негова чест, велат од театарот.
Ќе остане запамтен и по своите улоги во Исцелител, Сенки, Трст виа Скопје, Еурека, Солунски патрдии, Македонски народни приказни, Преспав, Пусто турско....

извор

Се одјави Дрaган Б. Костиќ

20 декември 2025

Драган Б (со точка) Костиќ, легендата на македонското радио водителство, почина денеска на возраст од 75 години.
Преку своите емисии на Македонското радио, Драган Б. Костиќ со децении ги промовираше во Македонија светските поп и рок хитови и беше лексикон за историјата на бендовите, пејачите, нивните песни и светските топ листи. Имаше една од најголемите колекции на плочи во Македонија.
Својата богата кариера ја почна уште во 1970-ите години и наметна препознатлив водителски стил во емисиите „Диско селектор“, „Радио урнебес“ и „Заборави ако можеш“, а подоцна и „Кавервил“, „Чартфајл“ и „Б со Точка“. Автор е на проектот „100 приказни за 100 песни“.
На крајот од минатата година го имаше својот проштален диџеј настап „Последен танц“, со кој ја заокружи својата кариера од половина век.

извор