Вести › Набрзинка

Како Рашковски му го набаци ТЕЦ Осломеј на Анѓушев

17 мај 2022

Наместо ЕСМ, поранешниот вицепремиер Анѓушев ќе добие дел од македонското сонце, на третина век.
Сето ова базирано на физибилити студија нарачана и платена од Драги Рашковски, која заклучува дека не државниот ЕСМ, туку приватници треба да ја реформираат државната компанија ТЕЦ „Осломеј“ во сончев генератор на струја.
Откако си даде оставка на позицијата вицепремиер, Анѓушев стана партнер на ТЕЦ „Осломеј“.
Студијата е изработена во соработка со тимот на Анѓушев.

извор

Саркози го одлежа своето

10 ноември 2025

Поранешниот претседавал Никола Саркози ја напушта ќелијата во затворот Ла Санте иако зад решетки одлежа само 20 дена од казната од пет години затвор. Реагирајќи на негова жалба, париски суд одобри да биде префрлен во домашен притвор под судски надзор каде што ќе биде „побезбеден отколку во ќелијата“.
Судот заклучил дека „престојот во затвор не е оправдан“ и дека „нема ризик од бегство“. Забрането му е да ја напушти Франција и да има контакти со други лица обвинети во аферата поради која беше осуден - измама со која обезбедил финансирање од Либија за неговата претседателска кампања во 2007 година.
Саркози се пожали дека од првиот ден во затворот Ла Санте добивал смртни закани. Заради неговата безбедност бил сам во ќелијата од 9 квадратни метри со тоалет и туш. Во ќелијата до него постојано дежурале уште двајца телохранители назначени од властите. Од истите причини сам одел на дневната прошетка и во трпезаријата.
„Изолацијата му падна многу тешко. Тој е силен, цврст и храбар маж и притворот му нанесе големо страдање“, изјави адвокатот на Саркози.
Неделникот Le Point наведува дека Саркози во затвор јадел само јогурт, бидејќи „се плашел да не му плукаат во храната“. Му било понуден пристап до кујна сам да си ги подготвува оброците, но одбил.

извор

Виенската полиција ги одра велосипедистите

10 ноември 2025

За само неколку месеци, полицијата во Виена наплатила преку 100.000 евра казни заради непрописно возење велосипеди и електрични скутери.
Биле спроведени 15 големи акции за контрола во тек на десет дена и 5 ноќи.
Биле изречени 2.490 казни и 1.097 пријави за сообраќајни прекршоци. Најчести престапи биле минување на црвено светло, возење по тротоари и и пешачки зони, како и пречекорување на брзината.
Некој возел скутер со брзина од 89 километри на час.

извор