Вести › Набрзинка

Како Хамнеи и Трамп го договориле примирјето

8 април 2026

Иранскиот врховен лидер Моџтаба Хамнеи ја имал клучната улога за договорот за примирјето и за преговорите за крај на војната со САД, тврди Аксиос, повикувајќи се на извори од Вашингтон и Блискиот Исток.
Во понеделникот, кога Трамп се закани со целосно уништување на Иран, Пентагон веќе имал разни сценарија на бомбардирање, преговарачот Стив Виткоф го оценил иранскиот мировен план од 10 точки како „катастрофа“, а американските сојузници се подготвувале за жестока одмазда.
Во исто време во Техеран, Хамнеи бил активно вклучен во мировниот процес и првпат им наложил на своите преговарачи да прифатат договор. Шефот на дипломатијата Абас Арагчи одиграл централна улога да ги убеди командантите од Револуционерната гарда да прифатат примирје.
Од американска страна, во дипломатските напори се вклучил и потпретседателот Џ. Д. Венс, кој беше во посета на Унгарија. Се очекува тој, а не Виткоф, да ја води американската делегација на претстојните преговори во Пакистан. Тоа ќе биде досега најважната задача во политичката кариера на Венс. Сè уште постои голем јаз помеѓу условите на САД и на Иран, па постои реална можност војната да продолжи по две недели.
Во исто време се очекува министерот за одбрана Пит Хегсет и портпаролката на Белата куќа Каролин Ливит упорно да тврдат дека договорот го овозможиле „воената кампања во која биле уништени сите планирани цели“ и заканите од Трамп.

извор

Русија ќе го слави Денот на победата без воена машинерија

29 април 2026

За првпат во речиси две децении, Русија ќе го одбележува 9 мај, Денот на победата над фашизмот, без тенкови, ракетни системи и друг воен хардвер.
Ваква одлука е донесена заради „актуелната оперативна ситуација“ (инвазијата на Украина) поради што ќе ги нема оклопните колони, војници од повеќе воени училишта и кадетскиот корпус. Авиони (Su-25) ќе има.
Советската победа над нацистите во Втората светска војна е темел на повоениот поредок и мир, но и на актуелната војна во Украина која Кремљ ја смета за продолжеток на истата војна од пред 80-тина години.

извор

Екс директорот на ФБИ се пријави во полиција

29 април 2026

Поранешниот директор на ФБИ, Џејмс Коми, се предаде во среда во Александрија, Вирџинија, каде што беше накратко приведен пред кратко сослушување по обвинението дека му се заканил на Трамп.
Коми не зборуваше на суд и си замина без никакви услови за ослободување, во видео на Сабстек рече дека „сè уште е невин“.
Обвинението се темели на фотографија на социјалните мрежи што Коми ја објави минатиот мај, на која се гледаат школки наредени како „86 47“, со натпис „Одлична формација на школки на мојата прошетка на плажа“.
Терминот „86“ е сленг за да се ослободиш од нешто, а Министерството за правда тврди дека тие бројки претставуваат закана против Трамп.
Коми рече дека претпоставил дека бројките одразуваат политичка порака, но не и повик за насилство против претседателот, и дека ја отстранил објавата штом видел дека некои луѓе ја толкуваат на тој начин.

извор