Како да се избришете себеси од интернет?
7 април 2013
Вести › Набрзинка
Хантер Бајден: Со Вашингтон управува „геј-мафија“
23 јули 2026
- Хантер Бајден изјави дека со политиката во Вашингтон управува „геј-мафија“ – главно мажи и републиканци. Луѓето од овој круг ја кријат својата сексуална ориентација, но „сите знаат кој точно е геј“.
- И покојниот сенатор Линдзи Греам бил геј, според Бајден.
- „Порано кога го зборував ова, се шегував и сите се смееја... но сега со сигурност знам, и не се шегувам, дека таа (мафија) постои и сите во Вашингтон го знаат тоа. Живеев таму 20 години. Татко ми беше сенатор, потпретседател, претседател... целиот мој живот, 54 години од мојот живот“, изјави Хантер Бајден на подкастот на Џенифер Велч.
- Синот на поранешниот претседател оцени дека токму криењето на сопствената сексуална ориентација создава гнев и огорченост, кои потоа се манифестираат во политичките одлуки.
- „Внатрешниот конфликт создава толку многу отров во човекот, што тој го истура врз остатокот од светот. Тие луѓе целиот свој живот го поминуваат во криење“, вели Хантер Бајден.
САД разгледуваат опции да почнат војна и во Мали
23 јули 2026
- Администрацијата на Трамп ја разгледува можноста за напади во Мали, врз бази на Џамаат Нусрат ал-Ислам вал-Муслимин (JNIM) - најголемата терористичка група поврзана со Ал Каеда во Западна Африка.
- САД уште пред неколку месеци побарале дозвола да го користат воздушниот простор на Мали заради извидувачки прелети. Во исто време ги повикуваат владите во Северна и Западна Африка да купуваат американска опрема и услуги за воените напори против терористите.
- Кабинетот е поделен. На опцијата за воена интервенција против JNIM притиска Себастијан Горка, виш директор за борба против тероризмот во Советот за национална безбедност. Други функционери се воздржани, бидејќи рејтингот на Трамп тоне поради војната со Иран.
- Иако Трамп ветуваше дека ќе ги повлече САД од сите „вечни војни“, Мали би била осмата земја во која наредил воени операции во вториот претседателски мандат - по Јемен, Сомалија, Сирија, Иран, Ирак, Нигерија и Венецуела.
- Ситуацијата во Мали е хаотична. По државните удари во 2020 и 2021 година, на власт е воена хунта, која побара помош од руските платеници од „Вагнер“ за да го смири бунтот на џихадистите. JNIM настојува да ја собори владата и да наметне шеријатски закони. Франција во 2022 година го повлече својот воен контингент, кој девет години ги поддржуваше владините сили.
