Вести › Набрзинка

Кацарска и Уставен решија да не поведуваат постапка за Преспански

21 септември 2023

Уставниот суд едногласно одлучи да не поведе постапка за оценување на уставноста на законот за ратификација на Преспанскиот договор.
Тој беше оспорен поради тоа што указот за негово стапување на сила не беше потпишан од претседателот и беше објавен во Службен весник со потпис на Талат Џафери.
За да донесе одлука да не постапува, на Уставен му требаа пет години.
„Во духот на Уставот волјата на пратенците се персонифицира во духот со волјата на граѓаните наспроти само на еден човек“, ќе рече Добрила Кацарска, судијката која рече дека најтешката ослободителна одлука која ја донела во животот била онаа за Игор Дурловски за случајот 27-ми април.

Види и:

28 ноември 2024

На пратеничко прашање околу прислушувањето, премиерот вети дека наскоро ќе биде откриено како се прислушувало и дека пратениците од СДСМ ќе бидат згрозени.
„Јас сум убеден дека дел од раководството на СДСМ не ни знаеле дека тоа се случувало, дека најголемиот дел од нив го правеле за злоупотреба и лична агенда. Не дека некои од највисокото раководство немале информации, имале. И тоа што се случувало ќе ве згрози и вас“.
„Затоа ја гледам таа дебата од убдашки болшевистички структури кои се присутни во нашите кодошки безбедносни структури. И затоа се плашат од спојување на агенциите. Што им фалеше спојувањето на овие агенции во Хрватска, во САД?“ праша Мицкоски.

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.