Вести › Набрзинка

Системот „Русковска- Кацарска“ почна да добива шамари од судот во Стразбур

20 мај 2023

Европскиот суд за човекови права во Стразбур пресуди дека на Елена Доцевска-Божиновска ѝ биле прекршени правата при постапката за одредување притвор во врска со нападот на Собранието на 27 април 2017 година. Во нејзиниот случај е прекршена Европската конвенција за човекови права и ја задолжува државата во рок од три месеци да ѝ исплати отштета од 750 евра, плус 850 евра за судски трошоци.
„Минатата година ми беше понудена Спогодба. Ја одбив без размислување. Сакам правда, не пари!“, вели Доцевска - Божиновска.
„Со оваа Пресуда од Европскиот суд за човекови права (каде нема Кацарски/Русковски аршини) една битка е добиена, продолжуваме понатаму да ги биеме битките, ќе следат и други вакви пресуди за другите обвинети и осудени, продолжуваме до конечна победа и до конечна слобода на неправедно осудените Уставобранители“, вели таа.

извор

Почина Дик Чејни

4 ноември 2025

Дик Чејни, поранешниот моќен американски потпретседател што инсистираше на инвазијата врз Ирак, почина на возраст од 84 години.
Чејни беше шеф на Пентагон за време на мандатот на Џорџ Буш постариот и потпретседател на Буш помладиот. На втората функција беше одговорен за реакцијата на САД на терористичкиот напад од 11 септември 2001 година - за следењето на граѓаните, притворањето и измачувањето на нелегално грабнатите осомничени терористи.
Поддржуваше мачење со вотербординг „ако тоа спаси нечиј живот“. За инвазијата во Ирак тврдеше дека американските војници ќе бидат пречекани како ослободители. Ги однесе во војна од која повеќе од 4.000 не се вратија.
По напуштањето на функциите водеше кампања против Трамп, за кого изјави „Тој се обиде да ги украде минатите избори, служејќи се со лаги и насилство за да остане на власт откако граѓаните го отфрлија“. Ги разгневи републиканците кога лани објави дека гласал за Камала Харис.
Срцето на Чејни издржа пет удари пред да биде заменето со друго од донатор. „Секое утро се будам со насмевка, благодарен што ќе поживеам уште еден ден“, изјави Чејни во 2013 година.

извор

Хрватска бележи раст на родени бебиња

4 ноември 2025

Во четири месеци оваа година, од почетокот на јуни до крајот на септември, во Хрватска се родени 656 бебиња повеќе отколку во истиот период минатата година.
Тоа се околу 33 одделенија за првачиња повеќе, вели министерот за демографија, Иван Шипиќ.
Подобрувањето на демографската слика е еден од приоритетите на тамошната влада - се подготвува сеопфатен закон за демографска обнова а се работи и на нов Закон за детски додаток што би ги опфатил сите деца.
За депопулираните општини во Хрватска владата има одвоено поддршка од 30 милиони евра.

извор