Вести › Набрзинка

Кацарска го тера Судскиот совет во амбис

6 јули 2022

Случајно прашана дали двајцата пензионирани судии во Судскиот совет, Киро Здравев и Зоран Теофиловски треба да ги напуштат функциите како членови на Советот, бидејќи не се веќе судии, Кацарска објаснува дека тие треба да останат членови и покрај пензионирањето, бидејќи биле избрани со мандат до 2024 година и треба да си го довршат мандатот!
За да биде оваа правна небулоза на Кацарска зајакната, таа се пофали дека ова го зборува како 40 годишен судија, правејќи си паралелеа дека таа како пензионерка ќе си остане 9 години во Уставен.
Дали е подобро да имаме блокиран Уставен суд каков што е сега, или да добиеме судии, како Добрила Кацарска, кои добивајќи јавни функции во седмата деценија од животот, промовираат правно насилие кое скапо ќе не чини.

извор

Администрација: Два кеца за црвен картон

19 октомври 2026

Собранието ги усвои измените на Законот за административни службеници со кои административците што две години по ред ќе добијат оценка „1 - не задоволува“ ќе го загубат работното место.
Освен построги правила за оценување, законските измени носат и промени во напредувањето, дисциплинската одговорност и организацијата на административната служба. Власта тврди дека целта е поефикасна, потранспарентна и попрофесионална администрација, додека опозицијата предупредува дека дел од решенијата отвораат простор за политички притисоци врз вработените.
Една од клучните новини е укинувањето на можноста за унапредување без претходно објавување интерен оглас.
Опозициската СДСМ не ги поддржале измените. „Една работа да пофалевте, да речете добро е, се исправи една работа“, рекол координаторот на пратеничката група на ВМРО ДПМНЕ Никола Мицевски.

извор

Обвинет за лажен исказ, вештак продолжил да сведочи за „Пулс“

19 октомври 2026

Вештакот Петре Русески, ангажиран од одбраната во случајот со пожарот во дискотеката „Пулс“ во Кочани, на денешното рочиште рече дека не смета дека постои основ за негово изземање, откако Обвинителството откри дека е обвинет за давање лажен исказ во друг предмет.
Рекол дека за обвинението против него 2 години немало рочиште.
Русески остана на ставот дека од градежен аспект објектот одговорил на својата намена и дека изведените зафати претставувале „градежно-занаетчиски работи“. Овој вештак го изработи градежното вештачење за одбраната на првообвинетиот Дејан Јованов и за двајца други обвинети.
Родителите на децата што ги загубија животите во пожарот во дискотеката Пулс, остро реагираа на изнесените тврдења во судницата од страна на вештакот на одбраната и на минатото рочиште. Александар Наунов, во изјава за медиумите на паузата од минатото рочиште, истакна дека “изведените градежни зафати не може да се третираат како обични занаетчиски работи со цел да се избегне одговорноста за градење без одобрение”, потенцирајќи дека судскиот процес “не е само за градежни конструкции, туку за безбедноста, одговорноста и загубените човечки животи”.

извор