- Израелскиот парламент прифати да го разгледува предлог-законот за воведување смртна казна за терористички напади, насочен кон палестинските милитанти што убиле израелски цивили. Законот е префрлен на комисиска расправа и треба да помине низ четири гласања.
- „Вака треба да се бориме против теророт. Ова е начин да ги обесхрабриме. Откако ќе го усвоиме законот, ќе ги пуштаме терористите само во пеколот“, изјави министерот за национална безбедност Итамар Бен-Гвир, кој го предложи законот.
- Противниците на законот тврдат дека егзекуциите ќе го остават Израел без механизмот на размена на палестински затвореници за израелски војници или цивили. Во неодамнешните размени со Хамас, Израел ослободуваше по стотици палестински затвореници за секој грабнат Израелец.
- Бен Гвир го посочи случајот на лидерот на Хамас, Јахја Синвар. Тој во 2011 година беше ослободен од затвор при размена на 1.000 палестински затвореници за еден израелски војник заробен во Газа. Синвар во 2023 година го организираше терористичкиот напад врз Израел, во кој беа убиени повеќе од 1.200 луѓе и 254 беа грабнати и префрлени во Газа.
- Израел во 1954 година ја укина смртната казна за убиства. Единствениот човек што бил погубен во Израел бил Адолф Ајхман, архитектот на нацистичкиот холокауст, во 1962 година.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
- Како одговор на украинскиот напад со дронови врз резиденцијата на рускиот претседател во Новгородската област, Владимир Путин наредил во 2026 година да биде проширена тампон-зоната околу украинските погранични градови Харков и Суми, изјави генералот Валериј Герасимов, началник на Генералштабот на руските сили.
- Руската група „Север“ во 2024 година настојуваше да воспостави зона на безбедност во североисточна Украина, за да ја оддалечи украинската артилерија од руска територија и да спречи напади со дронови врз Белгород и Курск.
- Украинските власти тврдат дека оваа зона воопшто не е превентивна, туку се користи за да се овозможат подлабоки упади на руските сили на украинска територија.
- Киев упорно негира дека испратил дронови кон резиденцијата на Путин и тврди дека тоа се лажни вести што ги шири Кремљ за да ги блокира мировните преговори.
