- Израел зазеде околу 1.000 квадратни километри територија од Газа, Либан и Сирија по терористичкиот напад на Хамас во октомври 2023 година. Тоа е околу 5% од територијата на Израел во границите од 1949 година.
- На секоја од окупираните територии израелските сили извршуваат напади од авиони и артилерија, го контролираат движењето и приведуваат луѓе.
- Повеќе од половина од новоокупираната територија е во јужен Либан, каде што израелските сили формираа тампон зона во длабочина од десетина километри. Принудно се раселени речиси милион луѓе. Повеќето од нивните имоти и куќи се срамнети со земја.
- Во Газа израелските сили напредуваа подлабоко од „жолтата линија“ најавена како зона за безбедност и сега окупираат 60 % од енклавата. Речиси 2 милиона Палестинци во Газа сега се концентрирани на површина од околу 150 квадратни километри.
- Во Сирија израелските сили го искористија падот на режимот на Асад за да заземат 233 квадратни километри, со една позиција во длабочина од 50 километри.
- Јаков Амидрор, поранешен советник за национална безбедност на Бенјамин Нетанјаху, очекува Израел да трајно да задржи тампон-зони на границите со Газа и Сирија. Нема да ги повлече силите од Либан сè додека не биде разоружан Хазболах, што тешко може да се случи во скоро време.
- Добрата вест за Ахмад Џаангард Такало, 32-годишен Азербејџанец од турскиот град Ван: Без да знае станал еден од најбогатите луѓе во светот, откако на неговата банкарска сметка биле префрлени 1.000 милијарда лири (околу 21,8 милијарди долари).
- Лошата вест: Не може да повлече ни лира, додека финансиската полиција истражува како завршиле толку многу пари на неговата сметка.
- Такало побарал објаснување од банката откако му била одбиена картичката кога плаќал во супермаркет. Во банката го известиле дека на сметката има 999.999.999.999,99 лири и дека случајот го истражува Одборот за финансиски криминал (MASAK).
- Приватниот сопственик на мало претпријатие предупредува дека ќе банкротира ако проверката се одолговлечи уште некој месец.
- Од друга страна, морал да го смени телефонот откако се проширила веста дека станал билионер: „Одеднаш сите почнаа да ми се јавуваат и да тврдат дека ми се роднини“.
- Проиранските хути во Јемен објавија дека почнуваат блокада на протокот Баб-ел-Мандеб за израелски и бродови што носат стока до Израел.
- „Прогласуваме целосна и тотална забрана за израелска поморска пловидба во Црвено Море. Сите непријателски движења ги сметаме за легитимни воени цели за нашите вооружени сили“, соопштија бунтовниците, кои контролираат регион со 80% од вкупното население на Јемен.
- Баб-ел-Мандеб е портата од Арабиско во Црвено Море, на кое Израел има брег од само 12 километри и свое пристаниште - Елијат.
- Блокадата ќе ги принуди бродовите од Азиско-пацифичкиот регион да ја заобиколуваат цела Африка за да стасаат до Израел.
- Хутите презедоа одговорност и за дел од синоќешните ракетни напади врз Израел, како одговор на израелската офанзива во Либан и бомбардирањето на Бејрут.
