Вести › Набрзинка

Ирска станува непослушна кон ЕУ

10 октомври 2025

Ирската влада официјално го известила Брисел дека нема да го исполни барањето за воведување построги закони против „говорот на омраза“.
Оваа одлука многумина ја гледаат како победа за националниот суверенитет пред централистичките диктати од Брисел.
Сè започна во мај 2025 година, кога Европската Комисија ја предупреди Ирска и Финска дека немаат доволно строги закони за говор на омраза и поттикнување насилство па им даде рок од два месеца да се усогласат со важечките (драконски) прописи.
Ирска беше охрабрена од сигналите на администrацијата на Трамп дека државите треба ова прашање да го регулираат согласно своите убедувања и околности.

2 октомври 2026

Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.

2 октомври 2026

Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
Просекот е 7 урагани во сезона, од кои 2 до 3 се во септември.
Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
Најмалку, само по два, имало во 1982 и 2013 година.