• Иако САД тврдат дека обезбедиле „супериорност“ на небото на Иран, во Кувајт денеска се урнале неколку американски борбени авиони што учествувале во нападите.

ЕДИТ: Централната команда на САД објави дека три авиони F-15 Strike Eagle биле соборени од „пријателски оган“ од противвоздушната одбрана на Кувајт. Тројцата пилоти и тројцата копилоти се безбедни и згрижени во болница.

• Во Ал Џахра било снимено како паѓа еден авион ф-15. Локални жители тврдат дека се урнале уште најмалку два авиони.
• Кувајтските противвоздушни сили денеска објавија дека ги неутрализирале „повеќето“ од дроновите што се приближувале кон областите Салва и Хавали, близу главниот град Кувајт Сити. 

• Стотици илјади патници се заглавени а клучните воздушни центри на Блискиот Исток се затворени поради американско-израелските напади врз Иран.
• Главните аеродроми на Блискиот Исток, вклучувајќи го и Дубаи - најпрометниот меѓународен авио центар во светот - се затворени трет ден по ред а изгледите за нивно отворање  се неизвесни ако се знае дека Трамп најави дека операциите може да траат уште четири недели. 
• Платформата за следење FlightAware покажува дека речиси 2.800 летови беа откажани во саботата, а 3.156 во неделата. 
• Додека рајата се тиска, ултрабогатите најдоа алтернативен пат надвор од Блискиот Исток. „Саудиска Арабија е единствената вистинска опција за луѓето кои сакаат веднаш да го напуштат регионот“, изјави Амир Наран, извршен директор на брокерската куќа за приватни авиони „Вимана Прајват“.
• Цената на приватните летови од Ријад до Европа се околу 350.000 долари.