- „По 45 дена без храна имам одлични лабораториски резултати, тело без мускули и освестен Пат на кој нема лимити“ е наслов на интервјуто со Суад Мисини, аналитичар.
- „За време на целиот процес консумирав вода, зелен чај и посебни пијалоци на база на кефир кои самиот ги развивав во еден подолг временски период“, вели Мисини кој во 2015 година штрајкуваше со глад пред Собрание заради нехуманиот однос кон мигрантите.
- Од прашањата во интервјуто, издвојуваме: „Дали сме толку неповратно програмирани да мислиме дека од празен стомак се умира?“
- Кина ќе ги зголеми за уште 34% царините за увоз на американски производи, како одговор на тарифите од вкупно 54% што Трамп ги воведе за увоз на кинески производи. Новите кинески царини ќе се спроведуваат од 10 април.
- Пекинг објави и строга контрола на извозот на ретки минерали во САД, и ја прошири листата со „недоверливи“ американски ентитети, на кои задржува право да им воведе казнени мерки.
- Трговската војна ја спушти цената на нафтата на најниско ниво по пандемијата. Откако Пекинг го објави одговорот на тарифите, цената на барелот нафта падна за 3,5% на 66,66 долари.
- Токио најави дека ќе ги ограничи цените на горивата за да ги заштити домаќинствата од финансиски удар, додека бара начини да ги избегне најавените тарифи од САД. Премиерот Шигеру Ишиба побара итен телефонски разговор со Трамп.
- „Калибрирана“ контра на тарифите од САД најави и ЕУ. „Ќе одговориме спокојно, промислено и единствено. Нема да пукаме од појас“, изјави еврокомесарот за трговија Марош Шевчович.
