Вести › Набрзинка

ИДФ нишанеле во џихадисти, убиле деца што чекаат вода во Газа

14 јули 2025

Шест деца и уште четири лица што чекале да наполнат вода загинале при израелски напад во бегалскиот камп Ал Нусејрат во Газа. Сведоци тврдат дека беспилотно летало истрелало проектил во луѓето со канистри покрај цистерна за вода.
Израелските одбранбени сили (ИДФ) призна дека поради „техничка грешка“ при напад врз терористи од групата Исламски џихад, проектилот погодил место оддалечено десетици метри од целта.
„Жалиме поради штетата врз недолжни цивили“, соопштија ИДФ. Не го коментираа нападот врз пазар во градот Газа неколку часа подоцна, о кој загинаа 12 луѓе.
Од почетокот на израелската воена интервенција пред 20 месеци, во Газа се убиени повеќе од 58.000 луѓе. Една половина од нив се жени и деца. Само во текот на изминатиот викенд биле убиени 139 луѓе.
Нема оптимизам дека на преговорите во Доха ќе биде прифатен новиот американски план за 60-дневен прекин на огнот.

Video captured the moment an Israeli strike hit a residential building in central Gaza on Friday, sending debris and smoke across the Nuseirat refugee camp🙏#Israeli #Gaza @BBCWorld @Alwaleed_Talal @MWLOrg @YasirQadhi pic.twitter.com/WsHUNQ4BQz
— PILGRIMAGE CAMEL (@PilgrimageCamel) July 14, 2025

извор

Кочански ужас во Кран-Монтана

1 јануари 2026

Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
Италијанското министерство за надворешни работи излезе со бројка од 40 загинати, но таа не е конечна.
Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.

извор

Сокол на двете страни на Шутка

31 декември 2025

Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.

извор