- Од 1 јануари недела станува неработен ден за сите во Македонија.
- Исклучок од ова се вработените во трговските центри (молови), кои недела ќе ја работат со полно работно време, а за возврат за денот ќе добијат 100% повисока дневница.
- Повластената позиција во која се ставаат трговските центри во однос на остатокот од економијата се оправдува со тоа што 2% од прометот што тие ќе ги имаат во недела ќе биде наменет за изградба на детски градинки.
- Израелската армија потврди дека е автентична фотографијата што се шири на социјалните мрежи, на која се гледа како израелски војник со голем чекан ја удира главата на Исус на статуа што паднала по израелски напад врз христијанското село Дебл во јужен Либан.
- Северната команда објави дека се спроведува истрага за инцидентот, дека „ќе бидат преземени соодветни мерки против одговорните за инцидентот во командниот синџир“ и дека „се соработува со локалната заедница за да се врати статуата на своето место“.
- Пред да постигне договор за прекин на огнот во Либан, Израел протера близу 1 милиони Либанци од територијата јужно од реката Литани, уништи многу села и сè уште ја окупира територијата.
- „Господе, прости им, зашто не знаат што прават“.
