Вести › Набрзинка

Хрватска го сосече изборот за сезонски работи за странци

17 април 2025

Хрватски туристички работници и фирми кои живеат од туризам се во паника поради неочекуваните промени во Законот за странци и новите правила за нивни работни ангажмани на земјата.
„Мислевме дека сезоната ни е во опасност поради силната конкренција на Медитаранот и нашите високи цени но Владата ни сервираше непријатно изненадување со оваа небулоза и тоа сред барањето работници за сезоната која само што не почнала,“ велат од еден портал за туризмот.
Најспорна е одредбата дека странски работник не може да вработи компанија која немала месечен промет од 10.000 евра во последните шест месеци. А треба да се добие и позитивно мислење од Хрватскиот завод за вработување
Стотици туристички компании деновиве добиле одбивања за сезонски работни дозволи, само неколку дена пред Велигден и отворање ресторани, кафулиња и хотели. Работодавачите остануваат без нови работници, но во голема мера и без своите лојални повратници, во кои со години инвестирале.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор