- Со новиот закон за игrи на среќа, државата сериозно го ограничува рекламирањето на казина и кладилници на сите јавни површини, освен на ѕидовите на самите објекти.
- Се забранува рекламирање на бонуси и други погодности.
- Во печатените медиуми рекламирањето е целосно забрането, додека на ТВ, радио и интернет е дозволено само меѓу 23 и 6 часот наутро.
- Измените предвидуваат и онлајн и физички да можат да учествуваат само лица над 18 години кои ќе се идентификуваат а со посебен правилник ќе се пропише постапката и начинот на идентификација.
- Трамп ќе мора да почека за Нобел до идната година. Нобеловата награда за мир за 2025 година ѝ е доделена на Марина Корина Мачадо, лидерка на венецуелската опозиција, за „промовирање на демократските права во нејзината земја и за борбата за мирна транзиција кон демократија“.
- „Г-ѓа Мачадо ја добива Нобеловата награда за мир пред сè за нејзините напори за унапредување на демократијата во Венецуела. Но, демократијата е загрозена и на меѓународно ниво. Сфатена како право слободно да се изрази своето мислење, да се гласа и да се биде претставен во власт, таа е основа на домашниот и меѓународниот мир“, објави Норвешкиот комитет.
- Мачадо основала фондација за грижа за бездомни деца во Каракас, а потоа и организација за промоција на слободни и фер избори. Во 2010 година беше избрана за пратеничка, но режимот на Николас Мадуро ѝ го одзеде мандатот. Во 2024 година ѝ беше забрането да се кандидира на претседателските избори, на кои за победник беше прогласен Мадуро, иако опозицијата тврди дека мнозинство гласови освоил нејзиниот кандидат Едмундо Гонзалес Урутија.
- „Мачадо е принудена да живее скришно. И покрај сериозните закани по нејзиниот живот, таа остана во земјата, што инспирираше милиони луѓе. Клучно е да се препознаат храбрите бранители на слободата кои се креваат и се спротивставуваат“, објави Комитетот.
- Коментирајќи го агресивната кампања на Доналд Трамп да ја добие престижната награда, претседавачот на Норвешкиот комитет, Јерген Ватне Фриднес индиректно изјави: „Комитетот добива илјадници писма секој ден, но решава во соба полна со храброст и интегритет“.
- Полицијата во Антверпен уапсила тројца млади мажи осомничени дека планирале и подготвувале атентати врз белгискиот премиер Барт де Вевер и други политичари.
- Тројцата, на возраст од 18 до 24 години, „биле инспирирани од џихадизам“ и планирале акциите да ги извршат со домашно изработен дрон способен да носи експлозив и шрапнели, објави Обвинителството.
- При претресот на домот на еден од осомничените, неколку стотини метри од домот на Де Вевер, биле пројандени импровизирана експлозивна направа и торба со сачми. Кај вториот имало 3Д-печатач со кој требало да бидат изработени компоненти за оружјето.
- Во март 2016 година, 32 лица беа убиени при координиран напад на самоубиствени бомбаши врз аеродромот и метрото во Брисел. Одговорноста ја презеде групата Исламска држава.
