Вести › Набрзинка

Гувернерката ги моли иселените милионери да се вратат во Њујорк

20 март 2026

Демократската гувернерка на Њујорк, Кети Хочул, ги повика богатите даночни обврзници да не се селат во Флорида или Тексас, затоа што без нив е поткопана даночната основа на нејзината сојузна држава.
Хочул ги повика да се вратат во Њујорк за да ги поддржат програмите за социјална помош.
Во времето на пандемијата од 2020 до 2023 година, кога Хочул воведе строги ограничувања, Њујорк загуби речиси 1 милион жители. Високите даноци по пандемијата поттикнаа да заминат уште 250.000 до 2025 година. Државните даноци во Њујорк се речиси три пати над националниот просек, а трошоците за живот се повисоки за 50%.
„Кети Хочул конечно откри дека луѓето си заминуваат кога ги зголемувате даноците и трошоците за живот, го отежнувате работењето и се обидувате да ги уништите заштедите на семејствата. Очигледно, новата стратегија за економски развој на Хочул е учтиво да ги замоли да се вратат“, коментира Брус Блекман, кој во ноември ќе ѝ биде противкандидат на гувернерката.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор