Вести › Набрзинка

Готова е црквата „Свети Констнтин и Елена“

20 септември 2025

13 години откако почнаа градежните работи, заврши изградбата на црквата во строгиот центар на Скопје, на улица Македонија, кај домот на АРМ.
Црквата ќе ја освети г.г. Стефан на 28 септември.
Груевски организираше три донаторски конференции со македонски компании за да се соберат пари за изградба.
Во 2013 имаше насилни протести пред Општина Центар мотивирани од гласините дека се планира рушење на црквата. Судењето заврши во септември 2020 со затворска казна од една и пол година за Груевски како нарачател на насилствата.

20 септември 2025

Русија е домаќин на обновениот натпревар за песни „Интервизија“ во Москва на 20 септември, на кој настапуваат пејачи од 23 земји.
Русија повторно го започна „Интервижн“ (меѓународен фестивал од времето на СССР) откако беше исклучена од Евровизија по инвазијата на Украина во 2022 година.
Руската Интервизија 2025 има за цел да ги промовира традиционалните семејни вредности и вклучува учесници од пријателски земји, вклучувајќи земји од БРИКС, Латинска Америка, Блискиот исток...
Се очекува преносот во живо на телевизија и онлајн платформи во Русија и други земји да достигне вкупна публика од преку 4 милијарди луѓе.

20 септември 2025

Американските компании кои ќе сакаат да ангажираат високо-стручни лица од странство ќе мора да платат 100.000 за нивна виза од типот Х-1Б.
Овој тип виза им овозможува на компаниите да спонзорираат странски работници со специјализирани вештини - како што се научници, инженери и компјутерски програмери - првично три години, со можност за продолжување до шест години.
Трамп е од оние критичари на визниот систем кои долго време тврдат дека H-1B ја потценува американската работна сила, додека поддржувачите - вклучувајќи го и милијардерот Илон Маск - тврдат дека тоа им овозможува на САД да привлечат врвни таленти од целиот свет.
Истовремено, Трамп потпиша и указ за нова „златна картичка“ за забрзување на издавањето виза за траен престој во САД, по цени што почнуваат од 1 милион долари.