Вести › Набрзинка

Героски: Ама да има и патриоти, а не само кастриоти

16 декември 2021

Брисел ја казни владата во Скопје. Заев се евакуира од премиерската фотелја. Заевата пропаганда зборува за шупчење и за убивање на Македонците. Каков мизерен крај на една голема лага!
Ова е голем пораз и за македонската дипломатија. Неуспех на Бујар Османи и на Владо Бучковски. Да сум на нивно место, воопшто не би премислувал – сега е вистинското време за достоинствено повлекување. За оставки. Неотповикливи, а не хибридни. Ако не, утре секако ќе бидат сменети.
Па каже… Европејците се шупци! Европа и Бугарија се обидуваат да утепаат цел еден народ! Кои се тие „небањати вмровци“ што пишуваат вакви глупости? Е не биле вмровци, види чудо, ова се зборови на првите негувани пера на провладината пропаганда.

10 ноември 2026

Српскиот медиумски регулатор РЕМ изрече неколку казни за телевизијата Информер.
Казнети се со петдневна забрана на емитување реклами а добија и две забрани за емисијата Колегиум во траење од 10 и 15 дена.
Казните се изречени заради навреда на член на РЕМ и повреди на правилникот за известување за време на изборната кампања.
На истата седница на РЕМ казни добија и телевизиите Прва и Курир (види овде).

10 ноември 2026

Претседателот на САД, Доналд Трамп, ја номинираше Кристи Мекормик од Калифорнија за нова американска амбасадорка во Македонија, на местото на Анџела Агелер, која ја извршуваше функцијата до јануари годинава.
Номинацијата вчера официјално била доставена до Сенатот, кој треба да ја одобри со гласање од Комитетот за надворешни работи.
Мекормик не е дипломат од кариера, но работела како виш правен советник во амбасадата на САД во Багдад.
Од 2014 до 2026 година била комесарка и претседателка на независната федерална Комисија за изборна помош на САД, а претходно извршувала правосудни и државни функции во сојузната држава Вирџинија.