- Основачот на платформата Телеграм го обвини француското разузнавање дека барало од его да цензурира одредени политички ставови поврзани со Молдавија за време на последните избори.
- Непристојниот предлог дошол за време на неговиот притвор во Париз минатата година, со ветување дека ќе му биде олеснета правната состојба во која се наоѓа.
- Дуров вели дека стратегијата за цензура во источна Европа подоцна се има прелеано во Романија.
- Молдавија е меѓу чеканот и наковалната (Русија и ЕУ) и актуелните избори таму ќе го покажат расположението на луѓето, ако резултатите се сметаат за валидни со оглед на тоа што на ден пред гласањето, на две про-руски партии им беше забрането да учествуваат.
- Иако по досега преброените гласови, ВМРО-ДПМНЕ убедливо води во 55 општини, Ана Чупевска од СДСМ вечерва во „Претрес“ рекла дека СДСМ има нагорен тренд и ги смета локалните избори за успех.
- Чупеска очекувала влегување на партијата во втор круг во Скопје, иако во моментов нивната кандидатка Каја Шукова е на третата позиција, зад кандидатот на ВМРО-ДПМНЕ, Орце Ѓорѓиевски и зад кандидатот на Левица, Мециновиќ.
- Од обработени 75,37 отсто од гласовите и податоци од 2.755 избирачки места, од вкупно 3.474, кандидатите за градоначалници на ВМРО-ДПМНЕ и Коалицијата водат во вкупно 54 општини, СДСМ и Коалицијата во 8, Коалицијата ВЛЕН во 8 а Националната алијанса за интеграција во 5.
- Кандидатот на ЗНАМ Максим Димитриевски води во Куманово, Курто Дудуш од Унијата на Роми во Шуто Оризари, Аријан Ибраим од Демократската партија на Турците во Центар Жупа. Во Струга и Студеничани водат независните кандидати Менди Ќура и Азем Садики.
