Специјалната известувачка на ОН, Франческа Албанезе, ја обвини меѓународната заедница дека со својот молк му дала дозвола на Израел да мачи Палестинци на окупираните територии.
„Животот на окупираните палестинска територија е континуирано физичко и ментално страдање. На Израел ефикасно му е дадена дозвола да ги мачи Палестинците, бидејќи повеќето ваши влади, вашите министри, го дозволија тоа… Она што некогаш функционираше во сенка, сега се практикува отворено: режим на организирано понижување, болка и деградација, одобрено на највисоко политичко ниво“, порача Албанезе, претставувајќи го својот последен извештај пред Советот за човекови права на ОН
„Со масовното раселување, опсадата, одбивањето на помош и храна, неограниченото насилство од војниците и доселениците, како и сеприсутниот надзор и терор, окупираната палестинска територија стана простор на колективно казнување, каде што уништувањето на условите за живот го претвора геноцидното насилство во алатка за колективно мачење со долгорочни ментални и физички последици за окупираното население“, се истакнува во извештајот.
Албанезе ги повика членките на ОН да спречат и да казнуваат акти на тортура и геноцид, согласно меѓународните закони. „Ако меѓународната заедница продолжи да толерира вакви дела кога им се наметнуваат на Палестинците, тогаш законите немаат значење.“
„Орце Николов“, една од најреномираните гимназии не само во Скопје туку и во Македонија. Час по филозофија, кај ненадминливата Олга Пешевска. Ни вели: „Деца, кој не сака филозофија, тој не сака НИ ДА ЗНАЕ како се сака. ’Филос’ ви е љубител, а ’софија’ ви е – мудрост. Оној што не ја сака мудроста, ќе ја засака глупоста!“
Со години „се шушка“ дека и филозофијата и логиката ќе се учеле изборно, факултативно. Тоа воопшто не ме чуди: на денешниов свет не му треба критичко мислење, кога е сиот во знакот на филозофијата на профитот.
Кој ќе им каже на денешниве деца во каков деградиран свет живеат – ако не филозофијата? Кој ќе им каже дека тоа што го живеат (консумеризам), а личи на богатство и мир, е само осакатена верзија на хуманизмот – духовна сиромаштија и материјална острастеност? Кој ќе им каже дека ја живеат филозофијата на апсурдот и дигиталната отуѓеност (тоа е чист нихилизам, а не Ниче), додека веруваат дека ја живеат филозофијата на „земниот рај“ и космополитизмот?
После долга битка со рак за која малкумина знаеја, на 43 годишна возраст почина Леонард Радвински.
Беше Американец со украинско потекло, остави сопруга, четири деца и богатство проценето на 4,7 милијарди долари.
Во 2018 купи 75% од ОнлиФанс и го смени бизнис моделот: од општа претплата во претплата за следење на изложените модели (нагалено наречени контент креатори).
Радвински од платформата заработуваше 1,9 милиони долари дневно.
Онлифанс има близу 380 милиони корисници, близу 5 милиони модели. Околу 80% од корисниците се мажи, околу 80% од контент креаторите се девојки и жени.
Корисниците трошат околу 8 милијарди долари годишно. Топ еден процент од креаторите земаат една третина од парите (80% од уплатите, Онлифанс задржува 20%), огромен дел заработуваат под сто долари месечно.
