Вести › Набрзинка

Фејсбук отпушта 11.000 луѓе

9 ноември 2022

Мета (сопственикот на Фејсбук, Инстаграм и Вотсап) објави дека отпушта 13% од својата работна сила или некои си 11 илјади на вкупно 87.000 вработени.
За Закерберг отпуштањата „се некои од најтешките промени кои мораа да бидат направени во историјата на Мета.“
Тој објаснува дека проблемот е во огромните очекувања за раст на компанијата кои се базираат на нереално добрите резултати и раст на приходи што Фејсбук ги постигнува за време на пандемијата.
„Многу луѓе предвидоа дека ова ќе биде траен раст. И јас исто, па затоа донесов одлука за значително зголемување на нашите инвестиции. Тоа го згрешив и преземам одговорност,“ изјавил Закерберг.

извор

Европа формира комисија за руски репарации за Украина

16 декември 2025

Советот на Европа формираше Меѓународна комисија што треба да ѝ обезбеди на Украина компензација од стотици милијарди долари за штетите од руските напади и наводните воени злосторства.
Комисијата е задолжена да ги разгледа тужбите за штета, загуба или повреда предизвикана од руски акти против Украина по инвазијата на 24 февруари 2022 година, и да утврдува надоместоци од случај до случај. Регистарот на штети, формиран во 2023 година, веќе примил над 86.000 барања поднесени од поединци, организации и јавни тела во Украина.
„Целта е да се имаат потврдени барања што на крајот ќе мора да ги плати Русија. Оваа комисија не нуди никаква гаранција за штетите“, рече холандскиот министер за надворешни работи, Давид ван Вил.
Формирањето на комисијата за барања не значи дека Украинците можат да очекуваат брзи репарации. Деталите како би се исплатиле штетите сè уште треба да се разработат. Првичните дискусии се фокусирани на користењето на руските средства замрзнати од ЕУ.
Плановите за обештетување на жртвите од војната може да пропаднат ако во мировниот договор се вклучи амнестија за воени злосторства, како во првичниот план на американскиот претседател Трамп.

извор

Коцевски поднесе оставка пред да го разрешат

16 декември 2025

Републичкиот обвинител Љупчо Коцевски поднесе неотповиклива оставка од функцијата. Потсети дека сето време тврдел дека евентуалната постапка за негово разрешување е политичка одлука.
Рече дека заминува гордо и со крената глава но и со разочараност поради непочитување на принципите врз кои почива правната држава. Функцијата ја вршел чесно и достоинствено.
Коцевски се реши на овој чекор кога веќе стана јасно дека владиното мнозинство е цврсто решено да биде отстранет од функцијата.
„За мене беше необјасниво како еден таков профил на човек, неписмен и човек кој недоволно го познава македонскиот јазик, може да стаса до оваа позиција. Тој е склон кон секакви наредби дадени од политичките партии. Кога виде дека му се стеснува обрачот, поднесе оставка“, изјави за МКД. мк поранешниот виш јавен обвинител Мустафа Хајрулахи.

извор