Вести › Набрзинка

Европскиот закон за пушење ќе го зголемел и наталитетот

13 јануари 2026

Намалувањето на консумацијата на тутун поддржува поголема наталитетна стапка, појаснето е во новиот предлог-закон на Министерството за здравство за забрана за пушење.
Законот ќе забрани пушење во сите затворени јавни објекти, како и надвор, пред објектот. Забрането ќе биде и на пазари и автобуски постројки. Додека чекаш скапан автобус на ЈСП, европски е да не запалиш цигара.
Закон за пушење веќе постои ама логиката е, ако не си способен еден закон да спроведеш, донеси нов. Нека се занимава раја.
Пушачите многу го коштале здравството. На ред се дебелите?

Види и: 100 возачи на ЈСП се селат во Мајнц

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор