Вести › Набрзинка

Европска престолнина на ПМ честичките

3 јануари 2025

Скопје утрово е се запиша како најзагаден град во Европа, а тоа го покажуваат податоците на швајцарската платформата за мерење на квалитетот на воздухот „Ај-кју ер“. Според нивните анализи главниот град во земјава се наоѓа на 9то место на светската листа најзагадени градови, сам од регионот.
Утрово во главниот град е измерено присуство на 82 микрограми на метар кубен ПМ2,5 честички што е за 16,4 пати над дозволената горна граница утврдена од СЗО. Високо е и нивото на ПМ10 честичките кое изнесува 123,2 микрограми на метар кубен.
Воздухот во Скопје е означен во категоријата „нездрав“. Слично е и во Битола и Кавадарци.

извор

Прво вето на Силјановска

5 јануари 2025

Претседателката Гордана Сиљановска Давкова го стави првото вето и не го потпиша указот за Законот за заштита на децата, со кој се предвидуваше воведување на двојазични лиценци во градинките.
„Одребите од Законот за заштита на деца кои се однесуваат на воведувањето на двојазичните лиценци се спорни и истите треба да се пресипитаат низ призма на амандамнот 5 од Уставот и актуелната регулатива за употреба на јазиците. Потсетувам дека начинот на употребата на македонскиот јазик и неговото кирилско писмо и јазикот кој го зборуваат најмалку 20% од граѓаните и неговото писмо, се веќе уредени со закон. Верувам дека Собранието како носител на законодавната власт ќе ги има предвид моите забелешки и укажувања при повторното разгледување на одредбите и ќе креира јасни, прецизни и недосмислени решенија во согласност со Уставот”, стои во образложението доставено до Парламентот од претседателката.
СДСМ го поздравија потегот и побараа ВМРО-ДПМНЕ да се повлече од носење на вакви измени на законот.

извор

Новиот на Судски совет: Време да ги тргнеме судиите кои работат за лични интереси и под туѓи влијанија

3 јануари 2025

Оние судии што не работат согласно законот и Уставот, туку за свои лични интереси и под туѓи влијанија ќе се соочат со одговорност, а максимална поддршка ќе добијат оние што работат чесно. Ова во својата прва изјава за новинарите го кажа новиот претседател на Судскиот совет, Александар Камбовски, откако на денешната седница на Советот едногласно беше избран да го води ова тело.
„Во Македонија имаме околу 400 судии и крајно време е тие што се 10, 15, 20 што не работат по законите да ги тргнеме од нашите редови“.
Камбовски не сакаше да одговори на прашањето дали се води некаква постапка за судијата на Апелацискиот суд Скопје, Енвер Беџети, кој заедно со поранешниот вицепремиер и висок функционер на ДУИ, Артан Груби, се најде на американската „црна листа“, поради вмешаност во висока корупција, односно дека примил мито за да застари предметот „Таргет-Тврдина“ во кој првообвинет беше ексдиректоорот на Управата за безбедност и контраразузнавање, Сашо Мијалков.

извор