- По падот на Башар ал Асад, неколку европски земји, меѓу кои Германија, Австрија, Грција, Шведска.... (а најавува и Франција), ги сопреа процедурите за поднесените барања за азил поднесени од бегалци од Сирија.
- Во Германија, на пример, во моментов се процесираат 47.000 такви апликации од луѓе од Сирија. Таму живеат околу милон луѓе со сириско потекло, многумина од нив дојдени поради војната во 2015 и 2016-та кога Ангел Меркел им посака добредојде.
- Австрискиот канцелар побара да се стопираат процедурите за давање азил но и повторно да се проценат досега дадените статуси.
- Киев и Москва меѓусебно се обвинуваат за прекршување на еднодневното Велигденско примирје, кое го објави рускиот претседател Путин, а го поддржа Зеленски.
- Путин вчера објави дека руските сили ќе ги прекинат сите воени активности на фронтот до вечер на полноќ.
- Зеленски изјави дека Русите го прекршиле примирјето со 26 напади до денеска на пладне.
- Руското Министерство за одбрана возврати дека украинските сили отвориле оган врз руски позиции 444 пати и извршиле повеќе од 900 акции со дронови.
- Американскиот државен секретар Марко Рубио во петокот се закани дека САД ќе се повлечат од посредувањето за крај на војната ако за неколку дена не видат јасни мировни напори од двете земји.
- Астронаутот Дон Петит на својот 70-ти роденден безбедно се врати на Земјата, по 220-дневна мисија на Меѓународната вселенска станица.
- Со руското летало „сојуз м-26“ во Казахстан се вратија и космонаутите Алексеј Овчинин и Иван Вагнер.
- Петит е еден од највозрасните астронаути што престојувал во вселената. Најстариот сè уште е Џон Глен, кој беше во мисија на НАСА на возраст од 77 години.
- Петит во својата мисија 3.520 пати ја обиколил Земјата. Тој на орбиталната станица спроведувал истражувања за тридимензионално печатење, напредни санитарни технологии, развој на растенија со различен пристап до вода и за однесувањето на оган во микрогравитација.
