Вести › Набрзинка

ЕУ ќе ги плати американските „патриоти“ за Украина

14 јули 2025

Претседателот Доналд Трамп изјави дека САД ќе ѝ испратат противвоздушни системи „патриот“ на Украина.
„Неопходни им се за да ја одбранат земјата, бидејќи рускиот претседател Владимир Путин зборува убаво, а потоа навечер ги бомбардира сите“, изјави Трамп.

Тој не кажа колку системи „патриот“ ќе ѝ испратат САД на Украина, но истакна дека ќе ги платат европските сојузници од НАТО. Тоа ќе биде главната тема на средбата со генералниот секретар на Алијансата Марк Руте денеска и утре во Вашингтон.
Извори на порталот Аксиос најавуваат дека Трамп наскоро ќе објави и нов план за испраќање и офанзивно оружје на Украина, вклучувајќи проектили со долг дострел.

14 јули 2025

Документарниот филм на ББЦ „Газа: Како да се преживее воена зона“ ги прекршил уредувачките норми за точност, бидејќи на гледачите не им било откриено дека детето-наратор е син на министер на Хамас, откри интерна ревизија.
Документарецот во независна продукција на Хојо филмс беше повлечен од содржината на ББЦ по реакциите.
„Статусот на таткото е критична информација, која не била споделена со ББЦ пред емитувањето. Без оглед како била оценета важноста на позицијата на таткото на нараторот, публиката требало да биде информирана за ова“, заклучи Питер Џонстон, директор за жалби и рецензии на ББЦ.
Никое од лицата ангажирани во филмот не биле членови на Хамас ниту биле цел на финансиски санкции. На нараторот му бил платен хонорар од 795 фунти.