Вести › Набрзинка

Ердоган делел пиштоли во Анкара

9 јули 2026

Турскиот претседател Реџеп Таип Ердоган им приредил необичен дипломатски подарок на лидерите кои присуствувале на Самитот на НАТО во Анкара – персонализарно гравиран револвер со име и кутија со боева муниција.
Ердоган на секој лидер му дал и писмо со кое Турција ги укинува извозните ограничувања за оружјето, за да можат да го изнесат од земјата.
Кир Стармер изјавил дека морал да го остави оружјето во Анкара, бидејќи не можело законски да биде внесено во Обединетото Кралство со владиниот авион.
Портпаролот на германската влада изјави дека револверот наменет за германскиот канцелар Фридрих Мерц бил предаден на германската амбасада за да се спроведе постапка за законски увоз, по што ќе биде вклучен во колекцијата на официјални подароци.
Други лидери на НАТО покажаа необична гадливост кон подарокот на Ердоган со оглед на тоа што на самитот во Анкара многу повеќе се зборуваше за војна отколку за мир.

извор

Мухамад три години по ред е најпопуларно име за бебиња во Англија и Велс

9 јули 2026

Мухамад трета година по ред е најчестото име дадено на машки бебиња во Англија и Велс, покажува официјалната статистика. Во 2025 година 5.957 новородени момчиња го добиле ова име, најмногу во секој поединечен месец. Меѓу првите 100 најпопуларни имиња се и варијантите Мохамед (1.712) и Мохамад (895).
Во Топ 5 имиња за машки деца се и традиционалните Ноа, Лео, Лука и Артур.
Оливија десетта година по ред е најпопуларното име за девојчиња (2.386). На второто место се искачи Лили (2.249), а Амелија падна на третото (2.153).
На толку многу Мухамади, збунува податокот што најпопуларното муслиманско име за девојчиња – Фатима, е дури на 79-то место на листата.

извор

Денот кога сите нè огреа исто сонце

9 јули 2026

Поради нерамномерниот распоред на копното, околу 90% од населението живее на Северната хемисфера.
Врвот на свртеноста на таа полутопка кон Сонцето не се јавува на летниот сонцестој, туку на 8 јули во 13 часот по наше време, кога, поради специфичната положба на Земјата, процентот на население кое истовремено е изложено на Сонце изнесува фасцинантни 99% од вкупната популација на планетата.
Ако моментот е пропуштен вчера, сличен процент ќе има и денес (9 јули) во истото време.
Излезете за момент и поздравете ги своите браќа и сестри во сиот свет огреани од исто Сонце.