Вести › Набрзинка

До кога ќе се пали некој на „позитивните сигнали“ од Софија?

29 јануари 2022

Кога ќе слушнете „експерти“ од типот на Зоран Иванов како ги поздравуваат новите позитивни тонови од Софија и нивниот премиер, сетете се:

Бугарскиот премиер Кирил Петков уште еднаш повтори дека не постои македонско малцинство во Бугарија и нема да дозволи на таа тема да се разговара.
„Теми за македонско малцинство се апсолутно недопустливи. Нема да ни да дискутирам за тоа“, кажа Петков во бугарскиот парламент.
„Важно е бугарското малцинство во Северна Македонија да биде признато со промени во уставот, но тоа нема да се доволно“.
„Поважно е за време на преговорите за членство во ЕУ секоја појава на говор на омразата или дискриминација да биде ликвидирана“.

извор

Нетанјаху води, но без мнозинство за да формира влада

28 октомври 2026

Парламентарните избори во Израел завршија без јасен победник. Блокот на премиерот Бенјамин Нетанјаху освоил најмногу пратенички места во Кнесетот, но не и мнозинство што би му овозможило да формира влада.
Партијата Ликуд на Нетанјаху освоила над 20% од гласовите и заедно со партнерите би добила 55 пратенички места. Опозицискиот блок на чело со Гади Ајзенкот има 49 места, според нецелосните резултати. Партиите на израелските Арапи ги освоиле преостанатите места, значително повеќе од досегашните 10.
Излезноста на гласачите била 77,7% - највисоко ниво во последните речиси 30 години.
Двата главни блока најавија дека нема да прават коалиција со арапските партии, но аналитичари не ја отфрлаат можноста Ајзенкот да се обиде да формира малцинска влада, која за клучните прашања би добивала поддршка од арапските партии во Кнесетот.
Израелски коментатори шпекулираат за можноста за формирање влада на национално единство. Во таков случај, Нетанјаху би се откажал од своите сојузници од крајната десница и од ултраортодоксните партии, и би стапил во сојуз со Ајзенкот. Нетанјаху во 2020 година склучи сличен договор со опозицискиот лидер Бени Ганц, но нивната влада издржа само седум месеци.
Во спротивно, Израелците ќе мора да одат на нови избори. Нетанјаху ќе остане премиер додека не биде избрана нова влада.

извор

Флавио Болсонаро избега во САД

28 октомври 2026

Еден ден откако го призна поразот на претседателските избори во Бразил, Флавио Болсонаро заминал во САД, наспроти судската одлука да го предаде пасошот.
Извори на ББЦ тврдат дека САД итно им издале виза на Болсонаро и членовите на неговото семејство. Флавио наводно веќе пристигнал во Флорида и се сретнал со помладиот брат Едуардо, кој живее во Тексас.
Против Флавио Болсонаро во Бразил се води истрага за перење пари. Ако биде обвинет, Бразил може да побара да биде екстрадиран од САД.
Таткото на Флавио – поранешниот претседател Жаир Болсонаро, отслужува казна од 27 години затвор поради учество во заговор за државен удар, по поразот на претседателските избори во 2022 година. Поради нарушеното здравје, казната ја отслужува во домашен притвор.
„Флавио се откажа. Тој е преплашен. Загрижен е дека татко му ќе умре во затвор, дека тој самиот ќе заврши во затвор уште оваа недела, и дека го чека долга затворска казна“, изјави советник на Болсонаро.

извор