Вести › Набрзинка

Четврта жртва во поплавите во Бугарија

5 октомври 2025

58 годишна жена со руски пасош е четвртата жртва од поплавите кои направија лом во одморалиштето „Елените“ во општина Несебар.

Россиянка погибла во время наводнения в Болгарии

Тело 58-летней женщины обнаружили среди обломков виллы на курорте Елените, пишет болгарское издание БТА. Ее нашли благодаря мужу — когда его супруга перестала выходить на связь, он прилетел из Петербурга в Болгарию. Именно мужчина… pic.twitter.com/gquwvd0kVH
— Вот Так (@vottak_tv) October 5, 2025

Стотици волонтери, воен персонал, екипи на противпожарната служба, полиција, општината Несебар и Регионалниот кризен штаб се на терен за справување со последиците од разорната поплава.
Засега се расчистува главно во долниот дел од населбата. Повисоко, теренот е сè уште непрооден, бидејќи првите катови од зградите се затрупани со урнатини, дрвја и камења.

Луѓето се во трка со времето откако Националниот институт за метеорологија и хидрологија предупреди дека врнежите ќе продолжат утре, а во вторник навечер во источната половина од земјата ќе бидат интензивни и на некои места се очекува повторно да наврнат и над 100 литри на квадратен метар.
Забележани се и луѓе кои ги пребаруваат и ограбуваат уништените домови. Кај двајца од нив се најдени 4.500 евра.
Радев до Силјановска изрази благодарност за солидарноста и понудената помош за справување со последиците од невремето.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор