Вести › Набрзинка

Четири друштва во сопственост на државата должат 2,4 милијарди евра

3 јули 2025

Јавното претпријатие „Државни патишта“, инаку инвеститор кога станува збор за проектот со изградба на автопатите на Коридор 8 и Коридор 10д, како и на автопатот Кичево - Охрид, но и други важни магистрални делници, има вкупни обврски од 1,64 милијарди евра.
АД „Номагас“, операторот на системот за пренос на природен гас и наедно инвеститор на изградбата на гасниот интерконектор со Грција, како и на изградбата на магистралната мрежа, има вкупни обврски од 189 милиони евра.
Македонски железници - Инфраструктура е јавното претпријатие кое ја гради пругата од Коридорот 8 кон Бугарија и најверојатно ќе биде инвеститор во најавената изградба на брзата железница која ќе треба да ги поврзе Белград и Солун. Вкупните обврски засега изнесуваат 186 милиони евра.
АД ЕСМ има задолжувања кај домашните банки и долг кон меѓународните кредитори за исполнување на „зелената агенда“ во вкупен износ од 410 милиони евра.
Од овие четири друштва се очекува во иднина да донесат каков-таков развој или стабилност на инвестициите, пишува Фактор.

извор

Кочански ужас во Кран-Монтана

1 јануари 2026

Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
Италијанското министерство за надворешни работи излезе со бројка од 40 загинати, но таа не е конечна.
Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.

извор

Сокол на двете страни на Шутка

31 декември 2025

Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.

извор