Неполна година откако сега покојната кралица Елизабета, во друштво so мечето Падингтон, со лажиче држеше ритам на „We Will Rock You“, човекот кој ја напиша таа песна е промовиран во витез.
Брајан Меј почеста ја прими во Бакингемската палата, каде церемонијално беше инициран од кралот Чарлс, а титулата му се дава за исклучителен придонес кон музиката и добротворните дела.
Сега тој е Сер Брајан Меј а вие можете да проверите до каде сте со вашето витештво пополнувајќи еден 4 минутен прашалник - овде.
Илјадници Албанци излегоа на улиците на мирни демонстрации против изградбата на луксузно одморалиште од 1,4 милијарди долари на јужниот брег, поврзано со Иванка Трамп и Џаред Кушнер.
Ќерката и зетот на Доналд Трамп градат комплекс со 1.000 луксузни вили на плажа и хотелски соби на островот Сазан и полуостровот Звернец, како и нов меѓународен аеродром. Локацијата е во заштитеното мочуриште Пише Поро-Нарта, едно од еколошки најчувствителните подрачја во Албанија.
Владата на Еди Рама го забрза договорот. Парламентот го промени законот за животна средина неколку недели пред почетокот на изградбата, дозволувајќи хотели со пет ѕвездички во заштитени зони. Дозволата беше издадена на 29 април 2026 година, без јавно објавување.
Рама ѝ додели статус на „стратешки инвеститор“ на компанијата на Кушнер - Atlantic Incubation Partners кон крајот на 2024 година, само неколку недели пред инаугурацијата на Трамп, без целосен бизнис план или студија за изводливост. Критичарите велат дека одлуката била политички мотивирана, за да обезбеди симпатии од администрацијата на Трамп.
41 еколошка организација од 28 земји повикаа на итно прекинување на проектот. Против се локалните жители, еколошките групи и грчкото малцинство во областа.
Американската војска не пронашла никакви докази дека Иран поставил мини во Ормускиот проток и покрај повеќемесечни пребарувања со подводни дронови, роботски системи и авиони, јавува NBC News, повикувајќи се на функционери од Вашингтон.
„Ако ништо друго, заканата не е толку голема колку што се плашевме“, изјавил изворот.
Само неколку часа претходно Трамп тврдеше дека САД „веќе детонирале бројни ирански мини и дека сите преостанати ќе бидат отстранети согласно идниот мировен договор“.
Пентагон во април предупреди дека „за чистењето на иранските мини ќе бидат потребни шест месеци“.
Откако почна војната пред три месеци, Иран никогаш не кажал дека поставил мини во Ормускиот проток. На 12 март ја отфрли како неточна изјавата на Трамп дека американските сили погодиле 28 ирански бродови за поставување мини.
