Вести › Набрзинка

Висок руски генерал застрелан во Москва

6 февруари 2026

Рускиот генерал Владимир Алексеев, заменик-шеф на Управата за воено разузнавање (ГРУ), е во критична состојба откако бил застрелан пред својот стан во Москва. Напаѓачот побегнал.
Алексеев бил задолжен за надгледување на приватните воени компании во земјата. За време на бунтот на единицата Вагнер во 2023 година преговарал во име на Москва со паравоениот командант Евгениј Пригожин.
Генералот е на американскиот список лица под санкции поради наводните обиди на ГРУ за мешање во претседателските избори во 2020 година. Британија му воведе санкции во врска со нападот со нервниот отров „новичок“ во Салисбери во 2018 година.
Функционери во Москва ја префрлаат врз Киев одговорноста за нападот, извршен додека во Абу Даби делегации на двете земји преговараат за крај на војната. Во дискусиите е вклучен и Игор Костјуков, шефот на Алексеев.
„Обидот за убиство на Алексеев е најдобриот начин да се блокираат преговорите, а единствен што би имал полза од таква ситуација е украинскиот претседател Володимир Зеленски“, изјави рускиот пратеник Алексеј Журављев.

извор

Членството во ЕУ повеќе не е приоритет за Турција

15 август 2026

Турскиот претседател Реџеп Таип Ердоган оцени дека ЕУ не е подготвена да ја прифати Турција и дека како резултат на тоа, губитник ќе биде Европа.
Турскиот претседател рече дека добил ветување од американскиот претседател Доналд Трамп во врска со враќањето на Турција во програмата за воени авиони Ф-35 и чека да биде исполнето.
Турција беше исклучена од мултинационалната програма Ф-35 во 2019 година откако го купи рускиот систем за воздушна одбрана С-400, за кој Вашингтон рече дека може да ги компромитира невидливите авиони.
Ердоган рече дека Египет би можел да се приклучи на договорот за одбрана што неодамна го потпишаа Турција, Саудиска Арабија и Пакистан, и дека други земји би можеле да се приклучат на него (види: Истокот се прераспоредува).

извор

Русјаков: Нордистански окултизам и култот на божицата Брусела Шахта

15 август 2026

Тие што вчера брусеа шахти, денес бројат сончеви зраци на знамето. Се нарекуваат нордистанци – опскурна секта чија основа е интелектуалната бижутерија на граѓанството луѓенца или како што ги нарече нивниот гуру: шуто и рогато.
Oвие веруваат дека промената на името Македонија и откажување од историјата може да ти ги плаќа сметките и да ти донесе материјална благосостојба.
Сектата на нордистанците ѝ се претстави на јавноста преку групно гушкање на Градскиот трговски центар, ритуал што од нив беше објаснет како обид за зачувување на архитектурата, но за секој добро упатен окултист што знае дека езотеријата секогаш е повеќеслојна, ова беше поттик да се влезе во длабочините на ваквата ритуализација и да се постави прашањето: дали оваа еротична нежност изразена преку гушкање на еден трговски центар како дел од љубовна предигра, води кон целосно насочување на сексуалната енергија кон консумирачкиот комформизам на материјалистичката стварност што нè опкружува?
Примарна цел на сектата на нордистанците беше, а тоа им успеа – воведување на нивниот култ како единствена државна религија, идеја смислена од повисоките однадвор масонски мајстори претставени преку личности како Мастер Бејли, Хан д’ Џган, Мадам Могерини, а спроведена преку духовниот водач на шуто и рогато – Гуру Заев – идеја што се манифестираше преку укинување на името Македонија и забрана за консумирање македонска историја, двата непријатела на нордистанската секташка идеологија, бидејќи во нивниот окултистички светоглед, македонизмот не може да им ги плати сметките – големите трошоци за патот кон кој секогаш се стремеле – тајните мистични лавиринти на духовната и емотивна канализација.
А таму кајшто има канализација, тука се и шахтите – пречка за стремежот на нивната идеологија кон длабоките канализациски води на плиткоста. И така, започнаа со нов ритуал – фанатично брусење шахти – ритуал посветен на култот на божицата на западното изгрејсонце, Брусела Шахта, вегетативна божица што вегетира на туѓи грантови, шест месеци глуми подземје, а шест месеци господари со длабочините на плиткоста.

извор