Вести › Набрзинка

Бил и Хилари Клинтон прифатија да сведочат пред Конгресот за Епстин

3 февруари 2026

Поранешниот претседател Бил Клинтон и неговата сопруга Хилари, поранешна државна секретарка, се согласија да сведочат во истрагата на Претставничкиот дом на САД за Џефри Епстин, но бараат сослушувањето да биде зад затворени врати.
Комитетот за надзор, со поддршка од демократските членови, пред еден месец им се закани на Клинтонови со кривично гонење ако ја одбијат поканата да сведочат.
Бил Клинтон бил близок пријател на Епстин и во објавените документи се појавува на многу фотографии на неговиот имот, но тврди дека ги прекинал односите со него пред две децении и не знаел за неговиот синџир за елитна проституција и подведување малолетнички.
Бил Клинтон ќе биде првиот поранешен претседател што сведочел пред комитет на Конгресот по Џералд Форд во 1983 година.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор