Престижниот американски Универзитет Џонс Хопкинс е принуден да отпушти повеќе од 2.200 вработени откако владата го укина финансирањето од 800 милиони долари преку агенцијата УСАИД.
Ќе бидат отпуштени 247 вработени во САД и уште 1.975 луѓе ангажирани на разни проекти во 44 земји низ светот.
Кратењето на финансиите од УСАИД ќе ги погоди факултетите за медицина и јавно здравје, но најмногу ќе се одрази на глобалниот здравствен проект Jhpiego.
Универзитетот од Балтимор добива околу 1 милијарда долари годишно од Националните институти за здравје и спроведува 600 клинички тестирања.
Администрацијата на Доналд Трамп неодамна укина грантови од 400 милиони долари за Универзитетот Колумбија поради пропалестинските протести, кои се оценети како антисемитски.
Пакистан тргна во одмазничка акција за неодамнешниот индиски напад на девет локации на нивна територија кој пак Њу Делхи го објасни како реакција на претходно убивање на 25 Индијци и еден Непалец.
Индија објави дека биле нападнати неколку нивни воени бази а Пакистан соопшти дека погодиле повеќе цели во Индија и нејзиниот дел на спорниот Кашмир.
Експлозии биле слушнати во индиските Шринагур и Џаму, населението е повикано да остане дома а воздушниот простор во Пакистан е затворен.
Премиерот Шехбаз Шариф го свикал и националното тело за надзор на нуклеарниот аресенал.
Операцијата на Индија се викаше Синдор (онаа црвена точка на женските чела) а возвратната на Пакистан е наречена Бунјанун марсос (بنيان مرصوص: Непробоен ѕид).
„Голем број луѓе дојдоа и покрај притисокот што им беше вршен. Особено ако зборуваме за Вучиќ и Фицо, тоа е чин на херојство, бидејќи покажувањето на суверената волја да се почитува споменот на Денот на победата и покрај отворениот и неограничен притисок, е достојно за највисока оценка“, рече портпаролот на Кремљ, Дмитриј Песков.
Словачкиот премиер стигна во Москва на прославата на Денот на победата над фашизмот по заобиколен пат, откако Естонија го затвори својот воздушен простор за неговиот аион.
Александар Вучиќ во Москва се сретна со кинескиот претседател Си Џинпинг.
Гордана Силјановска Давкова во Скопје го чистеше Аквадуктот.
