Вести › Набрзинка

Белгискиот премиер бара ЕУ да преговара со Русија

16 март 2026

Белгискиот премиер Барт де Вевер ги повика европските земји да ја овластат Европската Унија да преговара со Русија како „единствен реален начин“ да заврши војната во Украина.
„Бидејќи не сме способни да го загрозиме Владимир Путин со испраќање оружје во Украина, а не можеме ни економски да го задушиме без поддршка од САД, ни останува само еден метод: да постигнеме договор“, изјави Де Вевер за белгискиот весник Ехо.
Тој предупреди дека ЕУ не може да си дозволи да не биде во преговарачкиот процес додека САД ја притискаат Украина да прифати мировен договор. „Тоа ќе биде лош договор за нас“, рече премиерот.
Де Вевер забележа дека односите со Русија некогаш ќе мора да се нормализираат. Во меѓувреме, додека трае војната, Европа ќе трпи економски последици. Ако се подобрат односите, Европа би можела да добие пристап до поевтина енергија.
Според шефицата на европската дипломатија Каја Калас, Унијата прво мора да изгради единствен став што очекува од Русија пред директно да му се обрати на Путин. Таа повика на максималистички барања, вклучувајќи ограничување на руските оружени сили и повлекување на руските трупи од Украина, Грузија и Молдавија.

извор

Апашот се пофали дека со венецуелската нафта ги покриле трошоците на нападот на Иран

24 мај 2026

За време на митинг за поддршка на реизбор на негов републикански пулен, Трамп изјави дека нафтата што САД ја земале од Венецуела за време на воената операција во која беше киднапиран претседателот Николас Мадуро, „ги платила трошоците“ за војната во Иран.
„Знаете како поминавме со Венецуела? Не поминавме лошо. Извадивме толку многу нафта од Венецуела, што ги плативме трошоците за војната околу 25 пати повеќе,“ изјави Трамп.

извор

После 96 години, Рамзес Втори е комплетен

24 мај 2026

Во 1930 година, германскиот археолог Гинтер Редер ја ископал долната половина од седумметарската статуа на Рамзес II, еден од најславните фараони во 31-та династија на староегипетската историја.
Во март 2024 година, заеднички египетско-американски археолошки тим објавија дека ја пронашле исчезнатата горна половина од статуата на Родер. Тој дел го прикажува Рамзес како носи украс за глава со кралска кобра.
Новооткриениот дел бил зачудувачки очуван, со остатоци од оригиналниот пигмент (да е денешна изработка, три перења не би издржал пигментот).
Годинава двете половини се споени и Рамзес комплетен повторно е на северната страна на храмот во Ел Ашмунеин каде првпат бил поставен пред повеќе од 3.200 години.

извор