Вести › Набрзинка

Беговска одјава на БЕГ

1 септември 2022

„Првпат се случува да добиеме сметки пред да заврши месецот. Ај што стигнаа порано, туку се повисоки за 100%. Зошто стигаат волку високи сметки кога поскапувањето требаше да биде само 14%?“, прашуваат граѓани.
Регулаторната комисија за енергетика (РКЕ) на 29 јули донесе одлука цената на парното да се зголеми за 14%, многу помалку од зголемувањето на сметките кои сега ги добиваат граѓаните.
На 27 јуни, РКЕ ги одзеде лиценците на БЕГ за снабдување и дистрибуција на топлинска енергија, а претходно беше одземена лиценцата за производство на топлинска енергија.

6 септември 2026

Фејсбук е преплавен со групи од типот „Барам превоз/нудам превоз“, „Превоз Скопје Битола“ итн...
Двајца другари направиле апликација која може да го реши тој хаос - сите барања и понуди за превоз на едно место! Целосно бесплатно (без никакви трошоци за регистрација и корисници - и за патници и за возачи), без никакви ѕвездички и ситни букви.
Ептен на почеток се па изгледа празно, ама затоа сте вие тука.

5 септември 2026

Десетици илјади луѓе демонстрираа на централниот плоштад во Загреб поради тоа што владата не почнала со расчистување на повеќе од 30.000 тони отпад кој ја загадува водата и природата во Лика.
Лани на локација близу Госпиќ беа откриени меѓу 34.000 и 37.000 тони отпад – од кој голем дел бил увезен од Италија во 2023 и 2024 година. Владата вети дека ќе ја исчисти локацијата, но еколошките групи тврдат дека е постигнат мал напредок.

Вјекослав Бушиќ од иницијативата „Госпиќ е наш дом“ побара од Владата во рок од 20 дена да претстави сеопфатен план за санација на загадените локации, со јасни и обврзувачки рокови. Организаторите на маршот бараат отстранување на 33.000 тони закопан отпад во рок од три месеци, итна забрана за увоз на отпад во Хрватска и одговорност за пропустите.
„Мора итно да ја утврдиме одговорноста на сите оние што молчеа и не презедоа ништо. Тука не смее да има компромис“, истакна Бушиќ.