Вести › Набрзинка

Абе ајде: Новиот предлог ги внел нашите барања ама Бугарите одма го прифатиле

30 јуни 2022

„МАКРОН: Радев и Петков веќе потврдија дека го прифаќаат новиот предлог“, гласи веста на Денешен.
„Претседателот и премиерот на Бугарија веќе ми потврдија дека го поддржуваат францускиот предлог. Неговото усвојување треба да напредува во наредните часови или денови од разговорите во Скопје“ рекол претседателот на Европскиот совет Шарл Мишел.
Бугарската министерка за надворешни работи во оставка, Теодора Генчовска вечерва за БГНЕС изјави дека практично нема нов француски предлог што се разликува од веќе одобрениот во бугарскиот парламент.

извор

Мелони и со војска ќе го брани Милано

20 октомври 2026

Италијанската влада ќе прераспореди дополнителни 500 војници за да го „одбранат Милано“ по дводневните немири во кои демонстрантите се судрија со полицијата, ограбуваа продавници и уништуваа имоти, изјави вицепремиерот Матео Салвини.
Распоредувањето на војниците ќе биде дел од пакетот нови безбедносни мерки кој го носи владата во време кога продавниците во центарот на Милано рано ги затвораат вратите и ги покриваат прозорците со штици.

За време на викендот биле приведени 271 млад човек во Милано а на немирите им претходеа судири во други градови во северна Италија, вклучувајќи ги Болоња, Бреша, Бергамо и Торино.

Причини за протестите се зголемените трошоци на живот, нефункционирање на институциите и неквалитетот на јавните сервиси.

извор

Алберта гласаше да остане во Канада

20 октомври 2026

Огромно мнозинство на граѓаните на Алберта се изјаснија нивната провинција да остане во Канада и да не распишува обврзувачки референдум за прогласување независност.
Нецелосните резултати од вчерашниот необврзувачки референдум покажуваат дека 76% од граѓаните гласале да останат во Канада.
Иницијативата ја покрена премиерката на Алберта, Даниел Смит, со цел да се спротивстави на федералните еколошки регулативи, да ја заштити нафтената индустрија на провинцијата и да изнуди поголема политичка и економска автономија од централната власт во Отава.
Додека федералистите ја славеа победата, многумина критичари забележаа дека не е за радување фактот што 23% од жителите на богатата провинција се изјасниле за независност. Анкети спроведени во јануари покажаа дека едвај 10% ја поддржува иницијативата за отцепување.
Мич Силвестр, еден од клучните лидери на сепаратистите, истакна дека движењето за независност „нема да исчезне“.

извор