Вести › Набрзинка

35 години „Сакам да кажам“

10 јануари 2026

Е па, драги мои, еве поминуваат 35 години откако ја напишав првата колумна „Сакам да кажам“ што излезе во весникот „Вечер“ на 12 јануари 1991. Досега се напишани и објавени 1.825 колумни на отприлика 4.565 страници во А4 формат на новинарски проред, како што стручно се изразувавме ние, постарите од интернетот, пораснати во печатените медиуми.
За вечната тема ЕУ сум пишувал речиси во секоја колумна и таа тема ми е најголемата болка и фрустрација. Не можам да се помирам дека целиот мој професионален живот сум го посветил на нешто што сѐ уште не ми се гледа достижно, пишува Горан Михајловски.
Ама ајде, роденден ми е, ова е јубилејна колумна за славење, доста зборуваме само за лоши работи. Ајде да зборуваме само за убави работи, ко што ни вика денешниот премиер.

Е па, ајде:

„Да одмориме малку. Да уживаме во растот на националниот производ, да се гордееме со успесите на Владата, да се почувствуваме еднаш како лидери на реформите…“.

Објавено е на 3 февруари 2001. Смешно ли е?

извор

Битка за отворање на Ормускиот теснец

11 март 2026

Американските сили соопштија дека уништиле 16 ирански бродови поради стравувањата дека тие ќе го минираат Ормускиот теснец и ќе го загрозат сообраќајот на танкерите со нафта и товарните бродови.

Претседателот Трамп му се закани на Иран со „досега невидени воени последици“ ако постави мини во теснецот, широк 21 километар. „Ако го отстранат она што можеби го поставиле, тоа ќе биде огромен чекор во вистинската насока“, додаде Трамп.
Извори на ЦНН тврдат дека Иран пред неколку дена почнал да поставува мини во теснецот. Протокот не е целосно миниран, но иранската морнарица задржала меѓу 80% и 90% од специјализираните бродови и мали чамци, со капацитет да постават стотици мини. Револуционерната гарда има и проектили на копно насочени кон теснецот.
Трамп завчера најави дека Морнарицата ја разгледува опцијата да ги придружува трговските бродови и танкерите додека пловат низ теснецот за да ги заштити од напади.
Од проодноста на теснецот зависи цената на нафтата во светот. Пред да биде затворен, низ него секој ден поминуваа 15 милиони барели сурова нафта и 4,5 милиони барели рафинирани горива.

извор

Вредеше да се почека ова соопштение

10 март 2026

„Многу брзо војната ќе заврши и ќе почнат разговори и веруваме дека во светот ќе надвладее потребата од мир, како на Блискиот Исток така и во Украина“, во оптимистички стил на „Мис на Негорци“ порача Демократскиот сојуз на Павле Трајанов.
Македонија треба и натаму да ја следи политиката на САД и ЕУ, водејќи сметка за нашите стратешки и национални интереси, порачла партијата.
„Во овие турбулентни времиња и геостратешки и безбедносни раздвижувања, неопходно е разумно, одговорно и трпеливо однесување“, се додава во соопштението на Демократски сојуз.

извор