Време на подготовка:
20 мин.
Време на готвење:
60 мин.
Вкупно време:
1 ч 20 мин.
Порции
8 лица
Состојки
- 8 компири
- 110 гр. мајонез
- 1/2 л. пилешка супа од коцка
- 1 помал кромид, изрендан
- 330 гр. рендан кашкавал
- 500 гр. павлака
- сол и бибер
- 2 лажици путер
- 150 гр. корнфлекс
Подготовка
Загрејте ја рерната на 180 степени.
Сварете ги компирите цели со лушпа во тенџере со вода. Откако водата ќе зоврие, варете ги 8-10 минути. Потоа извадете ги од водата, оставете ги малку да се изладат и излупете ги. Изрендајте ги компирите во еден сад и измешајте ги со мајонез, кромид, кашкавал, павлака и пилешка супа. Зачинете со сол и бибер по желба.
Префрлете ја смесата во еден подлабок огноотпорен сад.
Растопете го путерот во мало тенџере на рингла на среден оган. Искршете го корнфлексот на помали парчиња и измешајте го со растопениот путер. Потоа додадете го во садот врз компирите.
Печете ги компирите во загреана рерна 45 минути, покриени со капак. Потоа одстранете го капакот и печете ги уште 15 минути додека да добијат златно жолта боја.
На здравје!
