Денешниот рецепт захтева аристокрастска тоалета: диригентски фрак со Дракула-ревери, бела масонска лептир-машна, свечанa белa кошуљa, стегнат прслук од чие плитко џепче виси ланец од џебен-часовник (логично), црна панталона со штрафти и висок струк, лакована ципела и на главата цилиндер, или во магионичарските кругови попознат како котар за зајци и гулаби. Дамите во некој сатенски фустан на едно рамо, здиво-паузирачки шлиц, сандали во ајфеловокулска потпетица, од препонот ѕирка пајакова мрежа хеклана од Луцифер химселф или на чаршиски јазик - чипка, крваво црвен кармин и цигара на муштикла. У позадина дедо Дин Мартин жонглира со ноти и стихови. Плутите од црните вина спешл селекшн сами пукаат.
Но, за да стигнеме до вакво хепиенд сценарио на вечерта, прво треба малце да се потрудиме околу главниот јунак за којшто ќе се дотеруваме. БИФ БЕЛИНГТОН! Гурманскиот суперлатив! Името го добива по Артур Велсли, првиот војвода од Велингот, фелдмаршал шо му се курчел на Наполеон. Последните неколку години рецептов беше популаризиран од страна на Гордон Ремзи, еден од најдобрите чираци на Марко Пјер Вајт. На прв поглед изгледа како научна фантастика, но чим ја со овие мои две леви раце можам да го спастрам, можете и Вие.
Па да почнеме:
МЕСО: 500-700 грама цело парче говедско чисто место/бифтек/тендерлоин. Овој локумаст џентал кат неодоливо ќе се растопи во вашата уста. Првин посолуваме и забиберуваме од сите страни. Потоа загреваме тава со малку масло на силен оган и го бланшираме парчето месо. 3-4 минути по страна. Ротирајте го за да фати боја низ целата површина. Откако го добиваме посакуваниот тен, го тргаме на страна да олади малку и на крај го премачкуваме со сенф.
ПЕЧУРКИ: 300 грама шампињони или микс од рендом печурки. По профи куварска терминологија, ситно сецканите печурки со малку кромид и рузмарин се нарекува дуксел. Ситно сецканите печурки ги печеме на тава едно 20-тина минути со повремено мешање, за да испари целата вода од нив. Топол братски совет: не брзајте, издехидрирајте го добро дукслот за после да не ви прае бељи. Откако е готов, го вадиме во чинија да олади.
ПРШУТА: солена и т’нко сечена. Во овој рецепт ќе игра улога на ризли. Лиги сами капат прости ми, тешки се ко шесто бифтеци!
МОТАЊЕ: На најлонска хартија правиме килимче од парчињата пршута. Нека биде малку пошироко од широчината на парчето месо. Врз пршутата го мачкаме дукселот. А врз дукселот го положуваме парчето говедско, елегантно, како што Тито положува букет на гробот на Гоце. Лефтерно го грабаме крајот од најлон фолијата и почнуваме да го мотаме месниот цилиндар. Кога пршутата ќе изротира цел круг, ги стегаме краевите од фолијата и вртиме за да стегне ес мач ес пасибл. Треба да добиеме мастадонтски увијач. Го праќаме пола саат у фриждер, ептен скроз да стегне.
МОТАЊЕ 2: Стегнатото парче го сместуваме на средината од лиснатото тесто, кое пак е постелено исто врз најлонска фолија. Го повторуваме процесот на ротирање. Ги затвараме краевите со тесто, а се што е фазла отстрануваме со нож. У фрижидер 15-тина мунити додека да се загрее рерната. Ја загреваме на 210 степени.
Стејџ три: Мутиме едно јајце. Парчето тесто го ставаме врз плех за печење. Го премачкуваме целото со јајцето, а потоа со тупата страна од ножот правиме дезени по тестото. Ова е веќе за дополнителен чалам. Го праќаме у рерна. 20 минути до пола саат, во зависност од тоа какво го сакате месото. Совет: остајте го розево, како фризот на Зорица Брунслик.
Вадиме и чекаме 10-15 минути да олади.
Со ребраст нож сечеме на парчиња. ...чипката е веќе влажна како холандска дневна соба, хормоните вибрираат како лото-топчиња во барабанот, сетилата за вкус и мирис екстазираат, либидото урла!!!
На здравје буржоазијо,
Кирил Стоименов – директно од холандската дневна соба, со дехумидифаер
