По почетниот триумф во воедниот натпревар од полуфиналната серија на Западот, Денвер Нагетс синоќа на истото место во иста сала доживеа катастрофа. Оклахома Сити Тандер ги разби 149:106.

Панатинаикос и Монако со победи против Ефес односно Барселона обезбедија учество на Фајнал Форот на Евролига во Абу Даби. ПАО пред преполна „ОАКА“ Арена го совлада Ефес 75:67 и конечно го скрши отпорот на турскиот тим кој забележа две победи во серијата. Исто и Монако со три големи победи ја совлада Барселона и се пласираше на Ф4.

Пред решавачката мајсторка меѓу Панатинаикос и Анадолу Ефес за пласман на финалниот турнир Фајнал Фор, некои навивачи на грчкиот тим во Атина пред хотелот каде престојува турскиот состав, доцна синоќа палеле огномет и друга пиротехника за да ги остават ненаспани.

Во германската трета лига, Дуизбург и теоретски обезбедил пласман во втора Бундеслига за следната сезона. Околу 31.500 навивачи на овој симпатичен клуб на домашниот натпревар против Вуперталер (3:0) направиле прекрасна кореографија преку цел стадион. Чисто да им покажат на „навивачите“ на Арсенал кој во Лондон на меч против ПСЖ во полуфинале на Лига на шампиони се посрамија со една висечка завеса.

Доцна во ноќта меѓу недела и понеделник, пред еден белградски клуб избила тепачка во која учесници биле четворица странски кошаркари од Партизан: Карлик Џонс, Стерлин Браун, Исак Бонга и Франк Никилина. Првиов, Џонс, крши стаклено шише од глава на учесник во тепачката и потоа го гаѓа во лице со скршеното шише. Според српските медиуми, група гости во клубот ги задевала и им дофрлала на девојките кои биле во друштво со кошаркарите на што овие реагирале па настанал хаос надвор.

Еден од најголемите тренери во НБА лигата, кој 29 години го водеше Сан Антонио, освои 5 титули и држи рекорд од 1.422 победи, се повлекува од тренерската функција. 76 годишниот Грег Попович доби мозочен удар и го немаше во јавноста од лани. Спарси го поставија за претседател на кошаркарски операции. 

Арон Гордон пружи одлична партија на гостувањето против Оклахома со 22 поени и 14 скока и тројка вредна победа. Погледнете како му одигра еден на еден на Чет Холмгрен. 

На 2 минути до крај, Оклахома имаше +6. Јокиќ прво влезе како бик еден на еден и постигна 2 поени, а во следниот напад даде дрска тројка. И тоа беше само дел од неговиот арсенал во страшната партија со 42 поени и 22 скока. На тајм беа сите претвори во уво.

Денвер Нагетс слави голема победа во полуфиналето од Западот. Ја доби Оклахома Сити Тандер на гости и тоа со пресврт и победнички кош во финишот. Монструозен дабл дабл учинок на Јокиќ.

Донован Мичел и Џарет Тален од Кливленд ќе се погрижат да ви ја разубават листата на најдобри потези во НБА. Едниот ќе ја отвори, а другиот ќе ја затвори со забивање.

„Тоа е српска работа, тој сака да биде Србин“, им го објаснува Јокиќ поздравот со ДеАндре Џордан, за потоа Чарлс Баркли да го праша дали е тоа најгрдиот човек со кој со бакнал? Јокиќ ги изнеасмеа со реакцијата во негов стил.

Кошаркарите на Голден Стејт Вориорс се последниот тим кој се пласираше во следната фаза од овогодинешното разигрување за шампионската титула во НБА лигата.

Кошаркарите на Денвер Нагетс конечно, во седмата средба, во мајсторката го совладаа ЛА Клиперс и се пласираа во полуфинале од Западната конференција каде Јокиќ ќе има дуел со најголемиот ривал за МВП наградата - Шеј Александер-Гилџес.

Турскиот тренер Ергин Атаман е најголемо тренерско име во историјата на Анадолу Ефес. Им донесе две шампионски титули по ред во Евролига во 2021 и 2022, нешто што не им поаѓало од рака ниту на уште поголеми клубови и тренери. Атаман тогаш направи врвни резултати и благодарение на тандемот Василије Мициќ - Шејн Ларкин два пати се качи на кровот на Европа. Сега веќе втора сезона го води Панатинаикос кого исто го направи европски шампион. Сезонава во плејоф му се падна неговиот Анадолу Ефес чии навивачи не покажаа респект за него. При крајот на четвриот меч кој „пиварите“ го добија за 2-2 во серијата, Атаман им мавташе со бројот 2 за да ги потсети колку евро титули им донел.

Четвртите натпревари од серијата меѓу Анадолу Ефес и Панатинаикос и Барселона и Монако донесоа најинтересен баскет досега. Во две неизвесни завршници славеа домаќините носени од своите навивачи и се изборија за мајсторки, но на гости.

Олимпијакос не дозволи да му се случи слично сценарио како што им се случувало во минатото и на нив и на други екипи, Реал Мадрид во плејофот да ја извади слабата сезона преку нивен грб. Грчкиот состав на феноменален начин славеше 3-1 во серијата со „кралскиот клуб“ и се пласираше на Фајнл Фор на Евролига во Абу Даби.

Кливленд - Индијана и Њујорк - Бостон се двете полуфинални двојки во Источната конференција. На Западот Оклахома чека разврска од мајсторката меѓу Денвер и Клиперси, а Минесота го очекува подобриот од дуелот Голден Стејт - Хјустон каде резултатот е 3:2.

Во некоја друга фаза од сезоната, во основниот дел например, Денвер Нагетс би се поиграл со Лос Анџелес Клиперс кој го победуваа редовно и дома и гости. Но во разигрувањето за титулата ситуацијата е сосема поинаква: ЛА Клиперс синоќа го совлада Денвер 111:105 и израмни на 3:3!

Минесота Тимбервулвс го збриша Лос Анџелер Лејкерс со 4:1 во првата рунда од плејофот. Чарлс Баркли со остра критика за играта во одбрана на Дончиќ: „Тој е елитен играч кој се спрема да потпише договор вреден 300-400 милиони долари. Како прво мораш да се вратиш во форма за да ги заслужиш тие пари. Лука не може да чува никого, па дури ни својот стол. Мора да научи да игра одбрана“, рече Баркли.

Тешко прашање за Никола Јокиќ. Требаше да одбере најдобра петорка во НБА, но наброи 8 играчи.

По шест години, Перо Антиќ се одјавува од функцијата прв човек на Кошаркарската федерација на Македонија. На неговиот наследник му дава апсолутна поддршка.

Легендарниот литвански кошаркар сега со голем успех го води Фенербахче. Турскиот гигант се пласира на нов завршен турнир за титулата во Евролига откако во четвртфинале го испраши Париз со 3-0 во серијата. Синоќа на гости во Франција Фенербахче славеше 88-98 а играчите при прославата го прскаа Јасикевичиус со шампањско и го фрлија во џакузи.

Денвер Нагетс конечно заигра во свој стил и со убедлива предност во текот на целиот меч, на крајот заслужено го совлада ЛА Клиперс. Сега е 3-2 во серијата и Нагетс ги дели само еден триумф од полуфинале на Западот. Јокиќ имаше трипл-дабл, Џамал Мареј постигна 43 поени, а Богдан Богдановиќ пред крајот на третиот период се закачна со Расел Вестбрук кој му дофрлаше нешто додека овој се спремаше да изведе слободни фрлања.